Thursday 14 November 2019
Home      All news      Contact us      English
tert.am - 1 month ago

«Դա ամենազարհուրելի բանն էր, որ երբևէ տեղի է ունեցել իմ կյանքում, մտածում էի՝ կմեռնեմ». Քիմ Քարդաշյանը պատմել է Փարիզում տեղի ունեցած հարձակման մասին (լուսանկարներ, տեսանյութ)

Ամերիկյան Keeping Up With the Kardashians իրապատում շոուի ամերիկահայ աստղ Քիմ Քարդաշյանը E! News-ի Իրական հոլիվուդյան պատմություններ -ի (True Hollywood Story) հերթական սերիայում վերհիշել է Փարիզի հյուրանոցներից մեկում իր վրա հարձակումը և հայտնել, որ այդ դեպքը միանգամայն փոխել է իր կյանքը: Աղբյուրը գրում է, որ հարձակման պահին 40-ամյա Քորթնի Քարդաշյանը և 23-ամյա Քենդալ Ջեները եղել են Ժիվանշի ֆրանսիական նորաձևության տան կազմակերպած ընթրիքին: Պատրաստվում էի քնել, երբ աստիճանների վրա ոտնաձայներ լսեցի: Նրանք ցանկանում էին մատանիս ու զարդերս, ինչին չդիմադրեցի: Նրանց տվեցի այն ամենը, ինչ ցանկանում էին, որից հետո կապկպեցին ինձ ,- վերհիշել է Քիմը: 38-ամյա Քիմի խոսքով՝ կողոպտիչները կպչուն ժապավենով փակել են իր աչքերն ու բերանը: Դա ամենազարհուրելի բանն էր, որ երբևէ տեղի է ունեցել իմ կյանքում, այն զգացողությունը, որ շուտով մահանալու ես... Բառերով անհնար է նկարագրել, թե որքան սարսափելի էր: Այդ րոպեին սկսում ես համակերպվել այն փաստի հետ, որ կրակելու են քեզ վրա, ու դու մահանալու ես: Այդ 10 րոպեներն իմ կյանքում շրջադարձային եղան ,- ասել է նա: Ըստ հաղորդման՝ կողոպտիչները 10 մլն դոլարի ոսկեղեն էին գողացել՝ այդ թվում ամուսնու՝ Քանյե Ուեսթի նվիրած նշանադրության մատանին, որն արժեր 4 մլն դոլար։ Քորթնի Քարդաշյանի խոսքով՝ քրոջն այդ վիճակում տեսնելուց հետո ոտքերը տեղի են տվել, ու նա հայտնվել է հատակին: Քիմը չափազանց ցնցված էր: Ոստիկանության հետ մեր գործն ավարտին հասցնելուց հետո մենք դուրս եկանք այնտեղից ,- հայտնել է Քորթնին: Մինչդեռ Քիմի ամուսինը՝ 42-ամյա ռեփեր Քանյե Ուեսթը խոստովանել է, որ չի սիրում վերհիշել այդ դեպքը: Այդ դեպքի հետ կապված գլխումս հարյուրավոր մտքեր են պտտվում, ուստի չեմ ցանկանում վերհիշել ,- ասել է Քանյեն: Ավելի ուշ Ֆրանսիայի ոստիկանությունը դեպքի առնչությամբ մեղավոր էր ճանաչել 10 հանցագործի: Կյանքում լինում են պահեր, որոնք շրջադարձային են լինում ու տակնուվրա են անում ամբողջ ներաշխարհդ, և այդ գողությունն իմ կյանքում այդ պահերից էր ,- խոստովանել է Քիմը և հավելել, որ եթե հնարավորություն ունենար, իր կյանքից չէր ջնջի գողության դեպքը, և որքան էլ անհեթեթ հնչի, այդ իրադարձությունից նա շատ դասեր է քաղել: Խոսելով այդ դեպքից քաղած ամենամեծ դասի մասին՝ Քիմն ասել է. Նյութականն այնքան կարևոր էր ինձ համար, իսկ հիմա ինձ համար նյութական ոչինչ կարևոր չէ :

Related news

Latest News
Hashtags:   

ամենազարհուրելի

 | 

երբևէ

 | 

ունեցել

 | 

կյանքում

 | 

մտածում

 | 

կմեռնեմ

 | 

Քարդաշյանը

 | 

պատմել

 | 

Փարիզում

 | 

ունեցած

 | 

հարձակման

 | 

մասին

 | 

լուսանկարներ

 | 

տեսանյութ

 | 
Most Popular (6 hours)

Most Popular (24 hours)

Most Popular (a week)

Sources