Thursday 14 November 2019
Home      All news      Contact us      English
tert.am - 1 month ago

Որոշման մեջ մայրենիի նկատմամբ ոչ մի ոտնձգություն չկա. Ա. Բախշյանը՝ բուհերի պարտադիր առարկաների ցանկից «Հայոց լեզու», «Հայ գրականություն» և «Հայոց պատմություն» առարկաները հանելու մասին

Որոշման մեջ մայրենիի նկատմամբ ոչ մի ոտնձգություն չկա. Tert.am-ի հետ զրույցում նման կարծիք հայտնեց քաղաքական, հասարակական գործիչ Անահիտ Բախշյանը՝ անդրադառնալով ՀՀ կրթության, գիտության, մշակույթի և սպորտի նախարարության որոշմանը, ըստ որի՝ Բարձրագույն կրթության և գիտության մասին օրենքում փոփոխություն կատարելով՝ այլևս բուհերում Հայոց լեզու , Հայ գրականություն և Հայոց պատմություն առարկաները չեն լինելու պարտադիր ուսուցման առարկաներ: Խոսքը ոչ թե մայրենի լեզվի ստորադասման մասին է, այլ որ մայրենի լեզվով միջնակարգ կրթություն ստացած մարդը պետք է դառնա լավ մասնագետ, և այդ բուհական տարիները պետք է առավել արդյունավետ օգտագործի մասնագիտական և հետազոտական աշխատանք կատարելու համար: Նպատակահարմարությունը չեմ հասանում, եթե դպրոցն ավարտել են, միջնակարգ կրթություն են ստացել, գնացել են բժշկական, պոլիտեխնիկ, ագրարային և այլ բուհեր, ինչու նա պետք է նորից որոշակի ժամաքանակով անցնի Հայոց լեզու , Հայոց պատմություն և Հայ գրականություն ,-ասաց Բախշյանը: Բախշյանը նշեց, որ այդ խնդիրը վաղուց բարձրացվել է բուհերի կողմից. Տեսեք, մի կողմից մենք պահանջում ենք, որ բուհերը դառնան հետազոտական կենտրոններ, այսինքն՝ բուհում ուսանողի համար պայմաններ ստեղծեն, և շատ ժամանակ տրամադրվի հետազոտական պայմանների վրա, որպեսզի իր մասնագիտական կարողություններն ու հմտությունները ամրապնդվեն, իսկ դրա համար ժամանակ է պետք: Ես գիտեմ, որ որոշ բուհեր այսօր պատրաստվում են հավատարմագրման գնալ՝ մաս դառնալով միջազգային կրթական դաշտին, և ուստի ուսումնական պլանները պետք է պարունակեն որոշակի ժամաքանակ այդ հետազոտությունների համար: Հայոց լեզվի, պատմության համար բավական ժամանակ է տրվում, և բուհերը իրենց ուսպլաններում մասնագիտական առարկաների խորացման համար տրամադրվող ժամերը տալիս են այս առարկաներին՝ առանց որևէ բան ավելացնելու, իհարկե, եթե խոսքը հումանիտար մասնագիտությունների մասին չէ՝ բանասեր, լրագրող և այլն ,-ասաց նա:

Related news

Latest News
Hashtags:   

Որոշման

 | 

մայրենիի

 | 

նկատմամբ

 | 

ոտնձգություն

 | 

Բախշյանը՝

 | 

բուհերի

 | 

պարտադիր

 | 

առարկաների

 | 

ցանկից

 | 

Հայոց

 | 

լեզու

 | 

գրականություն

 | 

Հայոց

 | 

պատմություն

 | 

առարկաները

 | 

հանելու

 | 

մասին

 | 
Most Popular (6 hours)

Most Popular (24 hours)

Most Popular (a week)

Sources