Tuesday 19 November 2019
Home      All news      Contact us      English
tert.am - 1 month ago

Պենտագոնի ղեկավարը հայտնել է Սիրիայում Թուրքիայի գործողությունների հետևանքով ԻՊ-ի ձերբակալված զինյալների ազատ արձակման մասին

Թուրքիայի ռազմական գործողությունները Սիրիայի հյուսիս-արևելքում խոչընդոտ են հանդիսանում Իսլամական պետություն ահաբեկչական խմբավորման դեմ պայքարելու համար և հանգեցրել են կալանքի տակ պահվող շատ գրոհայինների ազատ արձակմանը: Այս մասին հայտնել է ԱՄՆ պաշտպանության նախարար Մարկ Էսպերը, գրում է tass.tu-ն: Չնայած ԱՄՆ-ի և միջազգային հանրության կողմից առարկություններին և բազմիցս արված նախազգուշացումներին՝ Թուրքիայի նախագահ Ռեջեփ Թայիփ Էրդողանը Սիրիայի հյուսիս միակողմանի ներխուժման հրաման է տվել, ինչը հանգեցրել է բազմաթիվ զոհերի, ավերածությունների, մեծ թվով փախստականների, անվտանգության մակարդակի նվազման և ամերիկացի զինվորականների համար լրացուցիչ սպառնալիքներ է ստեղծել ,- նշել է նա: Պենտագոնի ղեկավարի խոսքով՝ այդ անթույլատրելի ներխուժումը հանգեցրել է ԻՊ-ի շատ վտանգավոր բանտարկյալների ազատ արձակմանը : Էսպերը հայտնել է նաև, որ Թուրքիայի անպատասխանատու գործողությունների պատճառով Սիրիայի հյուսիս-արևելքում ամերիկյան ուժերի համար վտանգն այժմ աննախադեպ բարձր մակարդակի է հասել: Կա նաև սպառնալիք, որ մենք կներքաշվենք ավելի ընդգրկուն հակամարտության մեջ ,- հայտնել է Էսպերը և հավելել, որ այդ պատճառով Միացյալ Նահանգների ռազմական գերատեսչությունը նախագահի հրամանով իրականացնում է Սիրիայի հյուսիս-արևելքից ԱՄՆ զինվորականների պլանավորված դուրսբերումը: Թուրքիայի միակողմանի գործողություններն ավելորդ էին և անտրամաբանական , - կարծիք է հայտնել Պենտագոնի ղեկավարը՝ հավելելով, որ Թուրքիան պատասխանատու է ռազմական գործողությունների բոլոր հետևանքների, ներառյալ՝ ԻՊ-ի հնարավոր վերածննդի, հնարավոր ռազմական հանցագործությունների և աճող հումանիտար ճգնաժամի համար: Հիշեցնենք, որ հոկտեմբերի 9-ին Էրդողանը հայտարարել էր Սիրիայի հյուսիսում Խաղաղության ակունք գործողության մեկնարկի մասին, որն ուղղված է Քրդական աշխատավորական կուսակցության և Իսլամական պետություն ահաբեկչական խմբավորման դեմ: Թուրքական ավիացիան հենց նույն օրը հարվածներ էր հասցրել երկու երկրների սահմանին գտնվող Ռաս էլ-Այն և Սիրիայի մի շարք այլ քաղաքների:

Related news

Latest News
Hashtags:   

Պենտագոնի

 | 

ղեկավարը

 | 

հայտնել

 | 

Սիրիայում

 | 

Թուրքիայի

 | 

գործողությունների

 | 

հետևանքով

 | 

ձերբակալված

 | 

զինյալների

 | 

արձակման

 | 

մասին

 | 
Most Popular (6 hours)

Most Popular (24 hours)

Most Popular (a week)

Sources