Tuesday 12 November 2019
Home      All news      Contact us      English
tert.am - 28 days ago

«Թրամփի պատժամիջոցները Թուրքիայի դեմ բավարար չեն». Ներկայացուցիչների պալատի խոսնակ Նենսի Փելոսի

ԱՄՆ Կոնգրեսի Ներկայացուցիչների պալատի խոսնակ, դեմոկրատ Նենսի Փելոսին հայտարարել է, որ հանրապետական նախագահ Դոնալդ Թրամփի հայտարարած պատժամիջոցները Թուրքիայի նկատմամբ բավարար չեն հումանիտար աղետը կանխելու համար: Այս մասին տեղեկացնում է РИА Новости-ն: Նախագահ Թրամփը սրեց քաոսն ու անկայունությունը Սիրիայում: Նրա հայտարարությունը Թուրքիայի նկատմամբ պատժամիջոցներ կիրառելու վերաբերյալ բավարար չէ վերացնելու այս հումանիտար աղետը ,-ասված է Փելոսիի գրավոր հայտարարության մեջ: Թրամփի անհավասարակշիռ որոշումները սպառնալիք են հանդիսանում մարդկանց կյանքի համար և խարխլում են ԱՄՆ-ի հեղինակությունն ամբողջ աշխարհում ,-հայտարարել է Փելոսին: Նրա համոզմամբ՝ Թրամփը կանաչ լույս է վառել Թուրքիայի համար՝ անցկացնելու իր ռազմական գործողությունները Սիրիայում՝ այդ կերպ դավաճանելով քրդական կազմավորումների հազարավոր մարտիկներին, որոնք կյանքի գնով պայքարել են Իսլամական պետության ահաբեկիչների դեմ: Նախագահի աշխատակազմը դա հերքում է՝ նշելով, որ Թուրքիայի հարվածի կետերում ընդամենը մի քանի տասնյակ ամերիկացի զինվորականներ կային, որոնք ամեն դեպքում ոչ մի դիմադրություն չէին կարող ցուցաբերել թուրքական ներխուժմանը: Աշխատակազմի ներկայացուցիչները հայտարարել են, որ իրենք ոչ թե կանաչ, այլ կարմիր լույս են վառել Սիրիայում Թուրքիայի գործողությունների համար: Փելոսին հիշեցրել է նաև, որ Կոնգրեսի օրակարգում բանաձև է մտցվել, որը դատապարտում է Թրամփի վտանգավոր որոշումը՝ Սիրիայի հետ կապված : Այս շաբաթ երկու կուսակցություններն ու Կոնգրեսի երկու պալատները շարունակելու են գործել այդ անպատասխանատու որոշման դեմ ,- վստահեցրել է Փելոսին: Հիշեցնենք, որ ԱՄՆ նախագահ Դոնալդ Թրամփը հրամանագիր է ստորագրել, որով Սիրիայի հյուսիսում Անկարայի գործողությունների առնչությամբ պատժամիջոցներ կկիրառվեն Թուրքիայի նախկին և գործող պաշտոնյաների նկատմամբ: ԱՄՆ նախագահը նաև հայտնել է Թուրքիայի համար պողպատի մաքսատուրքերը 50 տոկոսի հասցնելու մտադրության և Անկարայի հետ 100 միլիարդ դոլարի առևտրային գործարքի շուրջ բանակցությունները դադարեցնելու մասին: Բացի այդ, Թրամփը սպառնացել է կարճ ժամանակում ոչնչացնել Թուրքիայի տնտեսությունը, եթե Անկարան չհրաժարվի Սիրիայի հյուսիսում ապակառուցողական գործողություններից:

Related news

Latest News
Hashtags:   

Թրամփի

 | 

պատժամիջոցները

 | 

Թուրքիայի

 | 

բավարար

 | 

Ներկայացուցիչների

 | 

պալատի

 | 

խոսնակ

 | 

Նենսի

 | 

Փելոսի

 | 
Most Popular (6 hours)

Most Popular (24 hours)

Most Popular (a week)

Sources