Tuesday 12 November 2019
Home      All news      Contact us      English
tert.am - 29 days ago

ԱՄՆ փոխնախագահ Փենսը չի պատրաստվում մեկնել Թուրքիա, որտեղ մտադիր էր քննարկել Սիրիայում տիրող իրավիճակը

ԱՄՆ փոխնախագահ Մայք Փենսը երեքշաբթի չի պատրաստվում մեկնել Թուրքիա, որտեղ մտադիր էր քննարկել Սիրիայում տիրող իրավիճակը, վկայում է Սպիտակ տան պաշտոնական ժամանակացույցը, գրում է ria.ru-ն: Աղբյուրի հաղորդմամբ՝ Փենսի գրաֆիկում երեքշաբթի նախատեսված է հանդիպում Եգիպտոսի վարչապետի հետ և ճաշ ԱՄՆ նախագահ Դոնալդ Թրամփի հետ: Կեսօրին Փենսը կրկին կմիանա Թրամփին, որը Սպիտակ տանը կընդունի St. Louis Blues հոկեյի 2019 թվականի գավաթակիրներին: Նշվում է, որ Փենսի ժամանակացույցում այլ հանդիպումներ նախատեսված չեն: Երկուշաբթի Փենսը լրագրողներին հայտնել էր, որ ԱՄՆ նախագահ Թրամփն իրեն հանձնարարել է գլխավորել ամերիկյան պատվիրակությունը, որը կմեկնի Անկարա՝ բանակցելու թուրքական ղեկավարության հետ: Վարչակազմի բարձրաստիճան ներկայացուցիչը լրագրողներին հայտնել էր, որ պատվիրակությունը Վաշինգտոնից կմեկնի ամենակարճ ժամկետներում : Փենսը Թուրքիա հնարավոր այցի մասին հաղորդել էր Սիրիայում Թուրքիայի ռազմական գործողությունների վերաբերյալ Վաշինգտոնի և Անկարայի կտրուկ տարաձայնությունների ֆոնին: Ավելի վաղ Թրամփը հրամանագիր էր ստորագրել Սիրիայի հյուսիսում Անկարայի գործողությունների առնչությամբ Թուրքիայի նախկին և գործող պաշտոնյաների նկատմամբ պատժամիջոցների կիրառման վերաբերյալ: Հիշեցնենք, որ հոկտեմբերի 9-ին Էրդողանը հայտարարել էր Սիրիայի հյուսիսում Խաղաղության ակունք գործողության մեկնարկի մասին, որն ուղղված է Քրդական աշխատավորական կուսակցության և Իսլամական պետություն ահաբեկչական խմբավորման դեմ: Թուրքական ավիացիան հենց նույն օրը հարվածներ էր հասցրել երկու երկրների սահմանին գտնվող Ռաս էլ-Այն և Սիրիայի մի շարք այլ քաղաքների:

Related news

Latest News
Hashtags:   

փոխնախագահ

 | 

Փենսը

 | 

պատրաստվում

 | 

մեկնել

 | 

Թուրքիա

 | 

որտեղ

 | 

մտադիր

 | 

քննարկել

 | 

Սիրիայում

 | 

տիրող

 | 

իրավիճակը

 | 
Most Popular (6 hours)

Most Popular (24 hours)

Most Popular (a week)

Sources