Tuesday 19 November 2019
Home      All news      Contact us      English
tert.am - 1 month ago

Սպիտակ տունը 50 միլիոն դոլար կտրամադրի Սիրիայում տուժածներին

Շաբաթ օրը սպիտակ տան աշխատակազմը հայտարարել է, որ հատկացնում է 50 միլիոն դոլար Սիրիայում հետապնդվող կրոնական փոքրամասնությունների և մարդկանց իրավունքների Պաշտպանության համար: Այս մասին տեղեկացնում է oann.com կայքը: Սպիտակ տունը հայտարարել է նաև, որ իրենք հուսով են, որ մյուս երկրներն էլ իրենց ներդրումները կանեն: Հատկացված միջոցները կփոխանցվեն նաև այն կազմակերպություններին, որոնք աշխատում են տարածաշրջանի անվտանգության ապահովման և տարածաշրջանում փոքրամասնությունների պաշտպանությամբ: Սա նաև կնպաստի պատասխանատվության ուժեղացմանը, պատերազմի պայթյունավտանգ մնացորդների վերացմանը, հասարակության անվտանգության ապահովմանը, միջազգային հումանիտար իրավունքի և մարդու իրավունքների խախտումների փաստաթղթավորմանը, ինչպես նաև գենդերային հողի վրա բռնությունների ենթարկված մարդկանց պաշտպանությանը ,-ասված է հայտարարության մեջ: ԱՄՆ նախագահ Դոնալդ Թրամփը իր հերթին նշել է. Ես հասկացրել եմ Թուրքիային, որ եթե նրանք չկատարեն իրենց պարտավորությունները, այդ թվում՝ փոքրամասնությունների իրավունքների պաշտպանության հարցում, մենք շատ արագ, ուժեղ և կոպիտ պատժամիջոցներ կկիրառենք նրանց նկատմամբ : Հիշեցնենք, որ հոկտեմբերի 9-ին Թուրքիան հայտարարել է Սիրիայում ռազմական գործողության մեկնարկի մասին, որի արդյունքում երկիրն արդեն հարվածներ է հասցրել սիրիական Թել Աբյադ, Ռաս էլ Այն քաղաքներին ու այլ բնակավայրերի: Նպատակը տարածքը ՔԱԿ-ի ահաբեկիչներից մաքրելն է , այնտեղ անվտանգության գոտի ստեղծելն ու 3-4 միլիոն սիրիացի փախստականներին այնտեղ բնակեցնելը:

Related news

Latest News
Hashtags:   

Սպիտակ

 | 

տունը

 | 

միլիոն

 | 

դոլար

 | 

կտրամադրի

 | 

Սիրիայում

 | 

տուժածներին

 | 
Most Popular (6 hours)

Most Popular (24 hours)

Most Popular (a week)

Sources