Tuesday 19 November 2019
Home      All news      Contact us      English
tert.am - 1 month ago

ՀՀ-ում ներառական տնտեսական աճ չկա. տնտեսական այս մի քանի տոկոս աճից կրկին օգտվում են նրանք, ովքեր նախկինում օգտվել են. տնտեսագետ

ՀՀ-ում ներառական տնտեսական աճ չկա, ինչպես հայտարարվում է: Տնտեսական այս մի քանի տոկոս աճից կրկին օգտվում են նրանք, ովքեր հիմնականում նախկինում օգտվել են: Այս մասին Tert.am-ի զրույցում ասաց տնտեսագետ Կարեն Ադոնցը: Կառավարության ներկայիս տնտեսական քաղաքականության պարագայում ներառական տնտեսական աճ հնարավոր չէ ապահովել: Ով օգտվել է նախկինում, ամրացել է, ունեցել է մենաշնորհներ կամ էական չէ ինչ կերպ են ամրացել, նրանք են օգտվելու: Կարծում եմ՝ նույնիսկ այն քաղաքականությամբ, որ փոքր ձեռնարկություններին պետք է ակտիվացնել, հնարավոր չէ, որովհետև շուկաները շատ բարդ են, փոքրերն ի վիճակի չեն լինելու դուրս գալ արտաքին շուկաներ ,- նշեց տնտեսագետը: Կարեն Ադոնցի խոսքով՝ Կառավարության խնդիրը պետք է լինի ոչ թե փոքր ձեռնարկությունները զարգացնելը, այլ բաժնետիրական ընկերություններ ձևավորելը: Տնտեսագետը, սակայն, նկատում է, որ Կառավարությունն այս մեկուկես տարվա ընթացքում նույնիսկ չի անդրադարձել բաժնետիրական ընկերություններին, դրա մասին օրենքին: Բաժնետիրական ընկերություններ ձևավորելով հնարավոր կլինի ներքաշել մարդկանց դեպի տնտեսություն: Թե չէ մտածել, որ մանր ձեռնարկություններով կկարողանանք արտադրել ու արտահանել, իմ կարծիքով, դա հեռանկար չունի: Փոքր ձեռնարկատիրությունը մեծ հնարավորություններ չունի, նա արդեն խնդիրներ ունի: Հայաստանում արտոնյալ դիրքում գտնվողներ չկան, բայց ներկայիս տնտեսական քաղաքականության պայմաններում նրանք, ովքեր եղել են արտոնյալ պայմաններում, նրանք են ուժեղը, նրանցն է հնարավորությունը, և նրանք օգտվելու են այդ հնարավորություններից ,- ասաց նա: 2020 թ. պետական բյուջեի նախագիծը, Կարեն Ադոնցի գնահատմամբ, աննախադեպ, ռեկորդային չէ, ինչպես նշում են Իմ քայլը խմբակցության պատգամավորները: Ճիշտ կլիներ բյուջեի գնահատականը տայինք ոչ թե թվաբանական տեսանկյունից, այլ թե որքանով է բյուջեն համապատասխանում տնտեսական քաղաքականությանը, ինչքանով է արտացոլում այն խնդիրները, որոնք դրված են Հայաստանի տնտեսության զարգացման առումով: Հայաստանի տնտեսությունն այսօր 115-րդ տեղում է, մենք 10 տարում որտե՞ղ ենք պատրաստվում լինել: Պետությունը պետք է հաշվի առնի տնտեսության ապագա կառուցվածքը, որ ճյուղերը պետք է զարգանան և պարտադիր քայլեր անի այդ ուղղությամբ: Չէի ասի, որ այս կառավարությունը ճշգրիտ պատկերացում ունի՝ ինչպիսի տնտեսություն է Հայաստանում լինելու 5 կամ 10 տարի անց ,- նշեց տնտեսագետը: 2019 թ. բյուջեի համեմատ դեֆիցիտը նախատեսվում է ավելացնել 31 մլրդ դրամով՝ դարձնելով 182 մլրդ 567.8 մլն դրամ: Կարեն Ադոնցի խոսքով՝ բյուջեի դեֆիցիտը ծախսեր են, որոնք պետք է լինեն նպատակային. Հիմա դա ունի սոցիալական ծախսերի, թե տնտեսության զարգացման բնույթ: Բյուջեի գերակշիռ մասը սոցիալական ծախսերն են՝ 26 տոկոս, որը խնդիր է : Ինչ վերաբերում է Կառավարության՝ ավելի ցածր՝ 4.2 տոկոսով եվրոբոնդերի թողարկումն իրականացնելուն, տնտեսագետը նշեց. Վարչապետը նշում է, որ մենք թողարկեցինք եվրոբոնդեր, և տոկոսադրույքը շատ ցածր էր: Բայց մեզ մոտ պահուստներն աճում են, Կենտրոնական բանկը գնում է արտարժույթը, ավելացնում է պահուստները ու շատ բնական է, որ եվրոբոնդերի տոկոսադրույքը նվազելու է, այդ բանկը տեսնում է, որ քեզ մոտ երաշխիքային գումարները աճում են, ավելի էժան տոկոսներով կտա քեզ գումարը: Երբ կուտակում են ռեզերվները, դա խոսում է անարդյունավետ տնտեսվարման մասին : Մանրամասները՝ տեսանյութում:

Related news

Latest News
Hashtags:   

ներառական

 | 

տնտեսական

 | 

տնտեսական

 | 

տոկոս

 | 

կրկին

 | 

օգտվում

 | 

նրանք

 | 

ովքեր

 | 

նախկինում

 | 

օգտվել

 | 

տնտեսագետ

 | 
Most Popular (6 hours)

Most Popular (24 hours)

Most Popular (a week)

Sources