Thursday 21 November 2019
Home      All news      Contact us      English
tert.am - 1 month ago

Հաշվի առնելով Սիրիա-Հայաստան բարեկամական հարաբերությունները՝ Հայաստանի արձագանքը կարող էր ավելի կոշտ լինել. Սիրիայի խորհրդարանի հայ պատգամավոր

Կամիշլիում հոկտեմբերի 10-ին մինչև ուշ գիշեր պայթյուններ և կրակոցներ են եղել, սակայն հոկտեմբերի 11-ին դրությունը հանգիստ է եղել, նույնիսկ թուրքական ներխուժման դեմ բողոքի ցույցեր են եղել: Այս մասին Tert.am-ի հետ զրույցում ասաց Սիրիայի խորհրդարանի հայ պատգամավոր Ժիրայր Ռեիսյանը: Հարաբերական այս հանգստությունը, սակայն, չպետք է անվտանգության երաշխիք համարել ,-ասաց նա: Ինչ վերաբերում է Սիրայի հյուսիս-արևելյան բնակավայրերի հայ բնակչության դրությանը, Ռեիսյանը նշեց՝ Կամիշլիի հայերը չեն ցանկանում լքել իրենց տները. Թուրքական ներխուժման և հարձակումների թիրախում են Սիրիայի հյուսիսային սահմանային գոտին, որտեղ գտնվում է Կամիշլին և այլ հայաշատ բնակավայրեր: Հայությունը մինչև օրս էլ Կամիշլիում է, ըստ Բերիո թեմի Առաջնորդական Փոխանորդարանի տվյալների՝ Թէլ Աբյադ գյուղաքաղաքի շուրջ 15 հայ ընտանիքներից 3-ը տեղափոխվել են Կամիշլի, իսկ մյուս ընտանիքները՝ այլ շրջաններ: Ռաս ալ Այնում շատ քիչ հայ է մնացել՝ երկու կամ երեք հոգի: Դերիքում և Հասիչեում շուրջ 60 ընտանիք կա: Հասիչեն, իհարկե, ավելի ապահով է, քանի որ այդ գործողություններից ավելի հեռու է գտնվում : Հարցին՝ ինչո՞ւ Թուրքիան որոշեց Սիրիայի հյուսիս-արևելքում ռազմական գործողություններ սկսել, Ռեիսյանը պատասխանեց՝ այս հարձակումն անակնկալ չէր. Թուրքիայի նախագահը նախկինում բարձրաձայնել է իր մտադրության մասին, իսկ ինչ վերաբերում է պատճառների մասին, հայ պատգամավորը նշեց. Ճիշտ է, Թուրքիան որպես պաշտոնական վարկած մատնանշում է քրդական ահաբեկչական խմբավորումների գործոնը, սակայն մեզ համար նորություն չէ Թուրքիայի տարիների ընթացքում մեծացող ախորժակը ՝ իր վերահսկողության տակ նոր տարածքներ վերցնելու հետ կապված: Թուրքիան իր քաղաքական ծրագրերն ու դրանց իրագործման ուղղությամբ գործի դրած ջանքերը քողարկում է կեղծիքներով, շողոքորթությամբ լեցուն քաղաքականությամբ, որը, ի դեպ, շատ լավ իրականացնում է նոր օսմանիզմի գաղափարախոսությամբ տարված Ռ. Էրդողանը: Վերջինիս այս գործողությունը պետք է դիտարկել հենց այդ համատեքստում : Անդրադառնալով դեպքերի առնչությամբ Հայաստանի արձագանքին՝ Ռեիսյանը պատասխանեց՝ Հայաստանի արձագանքը կարող էր ավելի կոշտ լինել. Սիրիա-Հայաստան երկու երկիրների և ժողովուրդների հարաբերություններն ավելին են, քան սովորական բարեկամությունը, հետևաբար Հայաստանի պաշտոնյաներից կակնկալեի թուրքական ներխուժման հարցում ավելի կոշտ արձագանք ու դատապարտում : Հիշեցնենք, որ հոկտեմբերի 9-ին Թուրքիան Սիրիայի հյուսիս-արևելքում սկսեց Խաղաղության ակունք ռազմական գործողությունը: Թուրքիայի պաշտոնական վարկածն այն է, թե քանի որ այդ հատվածում իշխում են Քուրդիստանի բանվորական կուսակցությանը կից Քրդական ազգային ինքնապաշտպանության ուժերը, որոնք Թուրքիան համարում է ահաբեկչական, իբրև մտնում են ահաբեկիչներին մաքրելու համար: ԱՄՆ նախագահ Դոնալդ Թրամփի հետ հեռախոսազրույցի ժամանակ Թուրքիայի նախագահ Ռեջեփ Թայիփ Էրդողանն ասել էր, որ իրենք մտադիր են սահմանից 30 կմ խորանալ՝ այնտեղ բուֆերային գոտի ստեղծելու և 3-4 միլիոն սիրիացի փախստականների բնակեցնելու համար:

Related news

Latest News
Hashtags:   

Հաշվի

 | 

առնելով

 | 

Սիրիա

 | 

Հայաստան

 | 

բարեկամական

 | 

հարաբերությունները՝

 | 

Հայաստանի

 | 

արձագանքը

 | 

կարող

 | 

ավելի

 | 

լինել

 | 

Սիրիայի

 | 

խորհրդարանի

 | 

պատգամավոր

 | 
Most Popular (6 hours)

Most Popular (24 hours)

Most Popular (a week)

Sources