Sunday 17 November 2019
Home      All news      Contact us      English
tert.am - 1 month ago

Beeline-ի գլխավոր տնօրենը դասախոսություն է կարդացել Երիտասարդ առաջնորդների միջազգային դպրոցի ուսանողների համար

Beeline-ի գլխավոր տնօրեն Անդրեյ Պյատախինը դասախոսություն է կարդացել Երիտասարդ առաջնորդների միջազգային BuissUp դպրոցի մասնակիցների համար: Ունկնդիրները՝ 20-30 տարեկան, տարբեր երկրներից ժամանած 70 մասնակիցներ էին: Անդրեյ Պյատախինը երիտասարդների հետ կիսվել է իր հաջողության պատմությամբ՝ խոսելով կարիերայի և անձնային աճի մասին: Աշխատանքային փորձ ունենալով տարբեր քաղաքներում և երկրներում՝ Beeline-ի ղեկավարն ընդգծել է ինտեգրման, նոր մշակույթի ընդունման և դրանում աշխատելու կարողության կարևորությունը: Նա նաև խոսել է այն հմտությունների մասին, որոնք անհրաժեշտ են յուրաքանչյուր առաջնորդին ու հաջողակ մենեջերին: Մասնագիտական հմտությունների կատարելագործման հարցում ձեր հիմնական օգնականներն ու ուսուցիչներն են ձեր գործընկերները, ղեկավարներն ու ենթակաները: Ամեն օր նոր հավակնոտ նպատակներ դրեք ձեռ առաջ և ձգտեք հասնել դրանց դառնալով ավելի լավը, քան երեկ: Չկան անհասանելի նպատակներ, կարևոր է չվախենալ պարտություններից, այլ ուրախությամբ ընդունել դրանք որպես անգնահատելի փորձ, վերլուծել և եզրակացություններ անել: Հենց սա է հաջողության գաղտնիքը , - ասել է Հայաստանում Beeline-ի գլխավոր տնօրեն Անդրեյ Պյատախինը:

Երիտասարդ առաջնորդների աջակցման հիմնադրամի գործադիր տնօրեն Գոհար Ղումաշյանը շնորհակալական խոսք է ուղղել պատանիներին և արտասահմանցի հյուրերին. Կարևորն այն է, որ հենց երիտասարդ սերունդն է իրականացնում այնպիսի նախագծեր, և դրանց մասնակից են դառնում նույն սերնդի այլ ներկայացուցիչներ: Տարբեր երկրներից երիտասարդները հավաքվել են ստեղծագործելու և միասին կառուցելու իրենց պայծառ ապագան :

Երրորդ տարին անընդմեջ անցկացվող Երիտասարդ առաջնորդների միջազգային դպրոցի կազմակերպիչը Երիտասարդ առաջնորդների աջակցության հիմնադրամն է: Դպրոցը կապող օղակ է սկսնակների և արդեն կայացած, բարձրակարգ մասնագետների ու գործարարների միջև: Դասընթացների ու սեմինարների թեման էր Գաղափարից դեպի իրականացում , որի շրջանակում խոսնակները WayUp ձևաչափով շոշափել են հետևյալ թեմաները՝ խնդիրների հայտնաբերում, գաղափարի առաջացում, ապրանքանիշի առաջխաղացում, բիզնես պլանի ստեղծում և ներկայացում: Նշենք, որ Անդրեյ Պյատախինի ելույթը տեղի է ունեցել Beeline-ի և Երիտասարդ առաջնորդների աջակցության հիմնադրամի համագործակցության շրջանակներում:

Related news

Latest News
Hashtags:   

Beeline

 | 

գլխավոր

 | 

տնօրենը

 | 

դասախոսություն

 | 

կարդացել

 | 

Երիտասարդ

 | 

առաջնորդների

 | 

միջազգային

 | 

դպրոցի

 | 

ուսանողների

 | 

համար

 | 
Most Popular (6 hours)

Most Popular (24 hours)

Most Popular (a week)

Sources