Tuesday 15 October 2019
Home      All news      Contact us      English
tert.am - 6 days ago

Պետական գաղտնիք է. Կառավարությունը չի հայտնում, թե արդյոք վերանորոգվում է Փաշինյանի առանձնատունը և որքան գումար է ծախսել այդ նպատակով

Չենք կարող տրամադրել Ձեր հարցմամբ պահանջվող տեղեկատվությունը, քանի որ այն պարունակում է պետական գաղտնիք: Այս մասին Tert.am-ի հարցմանը, թե որքան գումար է ծախսվել ՀՀ վարչապետ Նիկոլ Փաշինյանին սպասարկող առանձնատան վերանորոգման համար, հայտնել են Կառավարության լրատվական ծառայությունից Կոնդի առանձնատների տնտեսություն ՊՈԱԿ-ի նամակում:

Հիշեցնենք, որ ըստ մամուլում շրջանառվող լուրերի ՀՀ կառավարությունը պետական բյուջեից շուրջ 2 միլիոն դոլար է հատկացրել Կոնդի առանձնատների տնտեսությունում գտնվող ՀՀ վարչապետ Նիկոլ Փաշինյանին և նրա ընտանիքին սպասարկող կառավարական առանձնատան մասնաշենքը հիմնանորոգելու, վերանորոգելու և կահավորելու համար։ Ըստ այդ լուրերի առանձնատունը հիմնանորոգելու համար ՀՀ պետական բյուջեից վերաբաշխում կատարելու և գումար հատկացնելու որոշման նախագիծը եղել է հույժ գաղտնի մակագրությամբ՝ հերթական սկանդալից զերծ մնալու համար, քանի որ բավականին մեծ գումար է հատկացվել այդ ամենի համար։ Հարցման պատասխանն ամբողջությամբ ստորև: Ի պատասխան Ձեր հարցման հայտնում ենք, որ Ձեր կողմից պահանջվող տեղեկատվությունը պարունակում է գաղտնիություն, որը հիմնավորվում է Գնումների մասին ՀՀ օրենքի 15-րդ հոդվածի 2-րդ մասով, որի համաձայն պետական գաղտնիք պարունակող գնումների պլանում ներառվում են ազգային անվտանգության ապահովման, Հատուկ պետական պաշտպանության ենթակա անձանց անվտանգության ապահովման մասին Հայաստանի Հանրապետության օրենքի 5-րդ հոդվածի 2-րդ մասով նախատեսված պաշտոնատար անձանց արարողակարգային ծախսերի, կեցության, սննդի և տրանսպորտային սպասարկման, ներառյալ տրանսպորտային միջոցների տեխնիկական սպասարկման և նորոգման ոլորտում հատուկ տեխնիկական և ծրագրային, ռազմական տեխնիկայի, սպառազինության, ռազմամթերքի և ռազմատեխնիկական միջոցների ապահովման համար անհրաժեշտ ապրանքները, աշխատանքները և ծառայությունները: Իսկ նշված օրենքի 5-րդ հոդվածի 2-րդ մասով պետական պահպանություն տրամադրվում է Հանրապետության նախագահին, Վարչապետին և Ազգային Ժողովի նախագահին, իսկ նույն հոդվածի 3-րդ մասով նաև այլ պետական պաշտոնյաներին վարչապետի որոշմամբ: Համաձայն Տեղեկատվության ազատության մասին ՀՀ օրենքի 8-րդ հոդվածի 1-ին մասի 1-ին կետի տեղեկատվություն տնօրինողը մերժում է տեղեկատվության տրամադրումը, եթե դա պարունակում է պետական, ծառայողական, բանկային և առևտրային գաղտնիք: Ուստի ելնելով վերոգրյալից, հայտնում ենք, որ չենք կարող տրամադրել Ձեր հարցմամբ պահանջվող տեղեկատվությունը: Տնօրեն Ա. Սավգուլյան Կոնդի առանձնատների տնտեսություն պետական ոչ առևտրային կազմակերպություն :

Related news

Latest News
Hashtags:   

Պետական

 | 

գաղտնիք

 | 

Կառավարությունը

 | 

հայտնում

 | 

արդյոք

 | 

վերանորոգվում

 | 

Փաշինյանի

 | 

առանձնատունը

 | 

որքան

 | 

գումար

 | 

ծախսել

 | 

նպատակով

 | 
Most Popular (6 hours)

Most Popular (24 hours)

Most Popular (a week)

Sources