Thursday 17 October 2019
Home      All news      Contact us      English
tert.am - 8 days ago

Խաչատուր Աբովյանի տուն-թանգարանում անցկացվել է ՀՊՄՀ առաջին կուրսերի ուսանողների երդման արարողությունը (տեսանյութ)

Արդեն քանի տարի է՝ ինձ բախտ է վիճակվում շնորհավորել ձեզ ավանդական դարձած այս տոնի առթիվ, ամեն տարի, որպես եկեղացականի և որպես համալսարանականի, ինձ ապշեցնում է Մանկավարժական համալսարանի կազմակերպվածությունը և այս հրաշալի առաջին կուրսեցիների ոգևորված հայացքները. այսպիսի ոգևորվածությունը փոխանցվում է նաև մեզ: Այս մասին այսօր Խաչատուր Աբովյանի տուն-թանգարանում Հայաստանի պետական մանկավարժական համալսարանի առաջին կուրսերի ուսանողների երդման ավանդական դարձած միջոցառմանն ասաց ԵՊՀ Աստվածաբանության ֆակուլտետի դեկան Գերաշնորհ Տեր Անուշավան եպիսկոպոս Ժամկոչյանը: Սիրելի՛ առաջին կուրսեցիներ, դուք ընդունվել եք լավագույն բուհերից մեկը, եթե ոչ ամենից լավագույնը, և վստահ եմ, որ ապագայում դուք դառնալու եք հրաշալի մանկավարժներ, երբ ավարտեք բուհը և լծվեք մանկավարժի վեհ գործին ,-ասաց նա: Գերաշնորհ Տեր Անուշավան եպիսկոպոս Ժամկոչյանն ուսանողներին փոխանցեց նաև Վեհափառ Հայրապետի շնորհավորական ուղերձը՝ նշելով, որ վերջինս Մայր Աթոռ Սուրբ Էջմիածնում այս տարին հռչակել է ավանդական ընտանիքի տարի:

Դա շատ խորհրդանշական է, եթե հաշվի առնենք Ստամբուլյան կոնվեցիայի դրույթները: Իբրև երիտասարդներ, ապագա ծնողներ և մանկավարժներ՝ դուք ճիշտ կողմնորոշում պիտի ունենաք ընտանիքի կազմավորման հարցում և ձեր ավանդապահ և հարուստ գիտելիքները փոխանցեք ձեր զավակներին և սաներին: Ձեզանից է կախված, թե ինչպիսին եք ուզում տեսնել ձեր ապագա ընտանիքները՝ հայկական, ավանդական և ամուր: Եթե ընտանիքն ամուր է, ամուր է նաև բանակը, եթե բանակն ամուր է, ամուր է նաև սահմանը, և մեր զավակները խաղաղ երկնքի տակ կապրեն ,-ամփոփեց նա: Առաջին կուրսեցիներին շնորհավորեց նաև Լեզվի պետական կոմիտեի նախագահ, ՀՊՄՀ հոգաբարձուների խորհրդի նախագահ Դավիթ Գյուրջինյանը նշելով, որ Խ. Աբովյանի անվան մանկավարժական համալսարանն իրենց կրթություն կտա, կսովորեցնի ինչպես սովորել: Բայց դուք պիտի դա անեք՝ ձեր ներսը նայելով, ինքնակատարելագործվելով և Աբովյանի նման մշտապես նորը փնտրելով, հետո մտնեք դպրոց և ավանդեք ,- ասաց Գյուրջինյանը: Առաջին կուրսեցիներին հաջողություններ և կանաչ ճանապարհ մաղթեց ՀՊՄՀ ամբիոնի վարիչ, ՀՀ արվեստի վաստակավոր գործիչ Արա Գևորգյանը: Եղեք ավելի ուշադիր և զգոն ձեր ապագայի հանդեպ, որ կարողանաք սովորեցնել մյուսներին ,-ասաց նա: Համալսարանի ռեկտոր Ռուբեն Միրզախանյանն էլ ապագա մանկավարժներին հորդորեց հավատարիմ մնալ չորս պատգամի. Մայրենի լեզուն սովորե՛ք և պահպանե՛ք, ինչ առարկա էլ դասավանդելու լինեք, ուսումնասիրե՛ք և պահպանե՛ք հայ ժողովրդի պատմությունը, հպարտացե՛ք նրանով, հավատարի՛մ եղեք քրիստոնեական ավանդույթներին, հայ եկեղեցին մեզ պահող կարևորագույն հաստատությունն է, պատմության բոլոր դեգերումների ընթացքում մեզ ուժ է տվել հայկական ընտանիքը, սիրե՛ք և հարգե՛ք ձեր ընտանիքները և ծնողներին, որ ձեր զավակներն էլ ձեզ սիրեն ,-ասաց նա:

Related news

Latest News
Hashtags:   

Խաչատուր

 | 

Աբովյանի

 | 

թանգարանում

 | 

անցկացվել

 | 

առաջին

 | 

կուրսերի

 | 

ուսանողների

 | 

երդման

 | 

արարողությունը

 | 

տեսանյութ

 | 
Most Popular (6 hours)

Most Popular (24 hours)

Most Popular (a week)

Sources