Saturday 19 October 2019
Home      All news      Contact us      English
tert.am - 10 days ago

Քիմիայի ոլորտում նոբելյան մրցանակը հանձնվել է լիթիում-իոնային մարտկոցների մշակման համար

Այսօր հայտնի են դարձել քիմիայի ոլորտում նոբելյան մրցանակակիրների անունները, գրում է meduza.io-ն: Մրցանակ են ստացել Ջոն Գուդենաֆը, Սթենլի Ուիթենգհեմը և Ակիրա Յոշինոն՝ լիթիում-իոնային մարտկոցների մշակման համար : Հոկտեմբերի 8-ին հայտնի էին դարձել ֆիզիկայի ոլորտում նոբելյան մրցանակակիրների անունները: Մրցանակակիր են դարձել Ջեյմս Փիբլսը, Միշել Մայորը և Դիդյե Քելոն: Մրցանակի կեսը հանձնվել է Փիբլսին՝ տիեզերագիտության տեսական հետազոտությունների համար , երկրորդ կեսը ՝ Մայորին և Քելոյին՝ արևանման աստղի ուղեծրում էկզոմոլորակի բացահայտման համար : Հոկտեմբերի 7-ին Ստոկհոլմում հայտնել էին բժշկության և ֆիզիոլոգիայի ոլորտում նոբելյան մրցանակակիրների անունները: Մրցանակակիր են դարձել Ուիլյամ Քելինը, Փիթեր Ռեթքլիֆը և Գրեգ Սեմենցան՝ թթվածնի անբավարարությանը բջիջների ադապտացման վերաբերյալ հետազոտության համար: Հոկտեմբերի 10-ին, մեկ տարվա ընդմիջումից հետո, հայտնի կդառնան գրականության ոլորտում Նոբելյան մրցանակակիրների անունները: Հոկտեմբերի 11-ին նախատեսված է հայտարարել խաղաղության նոբելյան մրցանակակրի անունը: Հոկտեմբերի 14-ին կհայտարարեն Շվեդական ազգային բանկի՝ տնտեսական գիտությունների համար տրվող մրցանակի հաղթողի անունը: Հիշեցնենք, որ Նոբելյան հանձնաժողովը հայտարարել էր, որ 2018թ. չի հանձնի գրականության ոլորտում նոբելյան մրցանակը՝ թեկնածուների ընտրության համար պատասխանատու Շվեդական ակադեմիայում սեռական ոտնձգությունների հետ կապված սկանդալի պատճառով: 75 տարվա ընթացքում առաջին անգամ ժյուրին չի հանձնել աշխարհի ամենահեղինակավոր գրական մրցանակը, բայց փոխարենը 2019թ. երկու հաղթողի անուն կհայտարարի: Հայտնի է, որ սկանդալի կիզակետում էր հայտնվել ֆրանսիացի լուսանկարիչ Ժան-Կլոդ Առնոն, որը մեղադրվում էր 18 կանանց նկատմամբ սեռական ոտնձգությունների և բռնության իրականացման համար: Առնոն ակադեմիայի անդամ Կատարինե Ֆրոստենսոնի ամուսինն է: Բացի այդ, Ժան-Կլոդ Առնոն մեղադրվել է նաև յոթ նոբելյան մրցանակակրի անունների արտահոսքի համար: Նշվում է, որ լուսանկարչի գործողություններից տուժածներից 5-ը դիմել է ոստիկանություն: Ի նշան բողոքի՝ ակադեմիայից հեռացել է մի քանի անդամ և մշտական քարտուղար Սառա Դանիուսը:

Related news

Latest News
Hashtags:   

Քիմիայի

 | 

ոլորտում

 | 

նոբելյան

 | 

մրցանակը

 | 

հանձնվել

 | 

լիթիում

 | 

իոնային

 | 

մարտկոցների

 | 

մշակման

 | 

համար

 | 
Most Popular (6 hours)

Most Popular (24 hours)

Most Popular (a week)

Sources