Saturday 19 October 2019
Home      All news      Contact us      English
tert.am - 10 days ago

Բրիտանացի հինգ նախարարներ կարող են լքել պաշտոնները՝ Brexit-ի շուրջ ստեղծված իրադրության ֆոնին. The Times

Մեծ Բրիտանիայի կառավարության հինգ անդամներ կարող են լքել իրենց պաշտոնները՝ ԵՄ-ից առանց համաձայնագրի երկրի դուրս գալու աճող սպառնալիքի ֆոնին: Այս մասին հայտնում է The Times պարբերականը՝ վկայակոչելով բրիտանական կառավարության անանուն անդամների: Պարբերականի փոխանցմամբ՝ խոսքը Հյուսիսային Իռլանդիայի հարցերով նախարար Ջուլիան Սմիթի, թվային տեխնոլոգիաների, մշակույթի, լրատվամիջոցների և սպորտի նախարար Նիկի Մորգանի, արդարադատության նախարար Ռոբերտ Բակլենդի, առողջապահության և սոցիալական հարցերի նախարար Մեթ Հենքոքի և Անգլիայի և Ուելսի գլխավոր դատախազ Ջեֆրի Կոքսի մասին է: Հրատարակության զրուցակիցը նշել է, որ նրանց պաշտոնաթողության հարցը ծագել է նախարարների կաբինետի հանդիպումից հետո, որի ժամանակ նախարարները վարչապետ Բորիս Ջոնսոնին հայտնել են 1998 թվականի Բելֆաստյան համաձայնագրի տապալման լուրջ ռիսկի առկայության մասին, որը վերջ էր դրել Հյուսիսային Իռլանդիայում բազմամյա կոնֆլիկտին, ինչպես նաև իրենց մտահոգություններն են հայտնել Ջոնսոնի գլխավոր խորհրդական Դոմինիկ Քամինգսի վերաբերյալ: Բրիտանական կառավարության մեկ այլ անդամ The Times-ին հայտնել է, որ շատ մեծ թվով օրենսդիրներ կհեռանան թորիների կուսակցությունից, եթե Ջոնսոնը համընդհանուր ընտրություններում իր ռազմավարության հիմքում դնի Բրիտանիայի՝ ԵՄ-ից առանց համաձայնագրի դուրս գալու տարբերակը : Պարբերականի հաղորդմամբ՝ պահպանողականները պնդում են, որ իրենց համար չափազանց դժվար կլինի մնալ կառավարության կազմում, որը մտադիր է Brexit-ի գործընթացն իրականացնել առանց համաձայնագրի: Ներկա պահին Brexit-ի շուրջ ստեղծված իրավիճակը փակուղի է մտել. երկրի խորհրդարանը դեմ է ԵՄ-ի հետ համաձայնագրին՝ դրա ներկայիս տեսքով, սակայն, միևնույն ժամանակ, կտրականապես դեմ է առանց համաձայնագրի ԵՄ-ից դուրս գալու տարբերակին: ԵՄ-ն, իր հերթին, հրաժարվում է վերականգնել բանակցությունները և վերանայել համաձայնագիրը: Վարչապետ Ջոնսոնը հավաստիացնում է, որ Մեծ Բրիտանիան հոկտեմբերի 31-ին դուրս կգա ԵՄ-ից՝ համաձայնագրի առկայությամբ, թե առանց դրա: Հոկտեմբերի 17-18-ը տեղի կունենա Եվրոպական խորհրդի նիստը, որը, ըստ էության, հանդիսանալու է Միացյալ Թագավորության և ԵՄ-ի մինչև Brexit-ի վերջնաժամկետը որևէ պայմանավորվածություն ձեռք բերելու վերջին հնարավորությունը:

Related news

Latest News
Hashtags:   

Բրիտանացի

 | 

նախարարներ

 | 

կարող

 | 

պաշտոնները՝

 | 

Brexit

 | 

շուրջ

 | 

ստեղծված

 | 

իրադրության

 | 

ֆոնին

 | 

Times

 | 
Most Popular (6 hours)

Most Popular (24 hours)

Most Popular (a week)

Sources