Saturday 19 October 2019
Home      All news      Contact us      English
tert.am - 11 days ago

Ռուսաստանը փորձում է մեզ ցույց տալ իր դժգոհությունը, պետք է հասկանալ՝ ո՞րն է պատճառը, Քոչարյանի՞ գործոնն է. Արթուր Մարտիրոսյան (տեսանյութ)

Չենք կարող դատողություն անել Փաշինյան-Պուտին հանդիպման արդյունավետության մասին, քանի որ հայտնի չէ՝ ինչ նպատակներ են դրվել, և արդյո՞ք հայկական կողմը հասել է իր նպատակին: Արմնյուզ ՀԸ #ՕրաԽնդիր հաղորդմանը նման կարծիք է հայտնել բանակցային մասնագետ, կոնֆլիկտաբան Արթուր Մարտիրոսյանը. Լինում են բանակցություններ, երբ հնարավոր չէ ամեն ինչի մասին ասել, մանավանդ երբ դրանք դեռ շարունակվում են, հարցն էլ գազի գինն է : Ըստ Մարտիրոսյանի՝ ներքին լեգիտիմությունն իշխանությանը կարող է ուժ տալ, բայց ներսում համաձայնություն ու մանդատ ստանալն ամենադժվար փուլն է. Արցախի հարցում հող չտալու կոնսենսուս կա ներսում, ինչը բնավ չի հեշտացնում դրսում Փաշինյանի բանակցությունները :

Հայաստանի և Ադրբեջանի համար համատեղ ընդունելի տարբերակ այս պահին, կոնֆլիկտաբանի կարծիքով, չկա, կողմերը ծայրահեղ դիրքեր են զբաղեցնում. Նախկինում հայկական կողմը ձևականորեն համաձայնել է կարգավորման մի քանի տարբերակների՝ լավ իմանալով, որ Ադրբեջանն ասելու է ոչ, մտածելով, թե ճնշումը թող մյուս կողմի վրա լինի: Այն, ինչ կա այսօր բանակցային սեղանին, իրենց էլ ձեռք չի տալիս :

Ըստ Մարտիրոսյանի՝ եթե այսպես շարունակվի, կողմերից մեկը գնալու է բախման՝ հետագայում բանակցային սեղանին վերադառնալու համար. Այսօր Ալիևը համոզված է, որ ուժային առավելությունն իրենն է, մեր խնդիրը նրա համոզվածությունը կոտրելն է: Վալդայի ֆորումում Ալիևը ելույթ ունեցավ, հայկական կողմը որևէ կերպ ներկայացված չէր, և նրան ոչ ոք չհակադարձեց, սա բացթողում է :

Կոնֆլիկտաբանի դիտարկմամբ՝ վերջերս Ռուսաստանը փորձում է մեզ ցույց տալ իր դժգոհությունը, պետք է հասկանալ՝ ո՞րն է այդ դժգոհության աղբյուրը. Կարելի՞ է ենթադրել, որ խոսքը երկրորդ նախագահ Ռոբերտ Քոչարյանի բանտարկության մասին է: Մենք պատկերացում չունենք՝ դա քննարկվե՞լ է Պուտին-Փաշինյան հանդիպմանը: Պետք է հասկանալ՝ որոնք են պետությունների և առաջնորդների շահերը, ինչ շահեր ունի Պուտինը, ինչն է Քոչարյանի հարցում նրան մտահոգում : Մարտիրոսյանի պնդմամբ՝ հանրությունն ուզում է հասկանալ, թե ինչ է տեղի ունենում, դրա համար պետք է հաղորդակցություն լինի. Ես սպասում եմ ոչ թե Պուտինի հետ սելֆի, այլ լավ հանդիպման արդյունքին : Մարտիրոսյանի համոզմամբ՝ իդեալիստական պատկերացում է այն, թե Հայաստանը բոլոր երկրների հետ կարող է շփվել իրավահավասարության հիմքերով: Հիմա ուժային բալանսը կարևոր է, քան երբևէ: Ուժը գալիս է այլընտրանք ունենալուց ,- ամփոփել է կոնֆլիկտաբանը: Դավիթ Սարգսյան

Related news

Latest News
Hashtags:   

Ռուսաստանը

 | 

փորձում

 | 

ցույց

 | 

դժգոհությունը

 | 

հասկանալ՝

 | 

պատճառը

 | 

Քոչարյանի՞

 | 

գործոնն

 | 

Արթուր

 | 

Մարտիրոսյան

 | 

տեսանյութ

 | 
Most Popular (6 hours)

Most Popular (24 hours)

Most Popular (a week)

Sources