Saturday 19 October 2019
Home      All news      Contact us      English
tert.am - 11 days ago

ՀՀ իշխանությունները կանեն ամեն ինչ, որ Արցախում իրենց թեկնածուն դառնա նախագահ, ԼՂՀ ուժային կառույցներում կնշանակեն վերահսկելի մարդկանց. Արմեն Բադալյան

Հայաստանի իշխանությունները կանեն ամեն ինչ, որ Արցախում իրենց թեկնածուն դառնա նախագահ, դրանից հետո իրենք կարող են ազդել ԼՂՀ ուժային կառույցներում կադրային փոփոխությունների վրա և նշանակել այնպիսի մարդկանց, ովքեր ամբողջովին վերահսկելի են ՀՀ վարչապետի կողմից: Այս մասին Tert.am-ի հետ զրույցում ասաց քաղտեխնոլոգ Արմեն Բադալյանը անդրադառնալով Արցախում 2020 թվականի ընտրություններին և Արցախի արտգործնախարար Մասիս Մայիլյանի թեկնածության առաջադրելուն: Արմեն Բադալյանի ենթադրությամբ՝ ՀՀ իշխանությունների նախընտրելի թեկնածուն այս պահի դրությամբ հենց Մասիս Մայիլյանն է: Ըստ նրա՝ բացի նրանցից, ովքեր հայտարարել են իրենց թեկնածությունը առաջադրելու մասին, կլինեն նաև նոր թեկնածուներ: Այստեղ կարևոր հարց է, որ ԼՂՀ-ում նախագահի ընտրությունները միայն ներքին քաղաքական հարց չէ, և դրանց վրա մեծամասամբ և անտեսանելի իր ազդեցությունն են ունենալու նաև Հայաստանի իշխանությունները, որոնք ամեն ինչով աջակցելու են, որ ՀՀ վարչապետի համար ցանկալի թեկնածուն Արցախում դառնա նախագահ ,-ասաց նա: Քաղտեխնոլոգը նշեց, որ եթե դա հաջողությամբ ավարտվի, ապա կարող ենք փաստել, որ Լեռնային Ղարաբաղի իշխանական ողջ համակարգը ամբողջովին մտնելու է ՀՀ վարչապետի կողմից իր անձնիշխան համակարգ: Եթե վարչապետին հաջողվեց Արցախում իր համար ցանկալի մարդուն դարձնել նախագահ, ապա կարող ենք ասել, որ վարչապետը վերահսկում է ոչ միայն Հայաստանի Հանրապետության, այլ նաև ԼՂՀ-ի գործադիր, ուժային կառույցները ,-ասաց նա: Նա նշեց, որ թեև չի բացառվում, որ Արցախում ընդվզում առաջացնի ՀՀ իշխանությունների այդ աջակցությունը, սակայն ճնշումը Լեռնային Ղարաբաղի ընտրությունների վրա կարող է այնքան ուժեղ լինել, որ այդ ընդվզումը արդյունք չտա: ԼՂՀ-ն չունի այն ուժը, որ դիմանա Հայաստանի իշխանությունների ճնշմանը ,-ասաց նա և նշեց, որ դրան զուգահեռ Հայաստանից ճնշումը կուժեղանա: Եթե ՀՀ իշխանությունների համար այդ ընտրությունները ցանկալի ավարտ չունենան, Հայաստանի իշխանությունները կարող են չճանաչել այդ ընտրությունները դրանից բխող բոլոր հետևանքներով՝ պահանջելով վերահաշվարկ, վերաքվեարկություն, մինչև հասնի իրեն ցանկալի արդյունքի, իսկ ԼՂՀ նախագահի պաշտոնը բավականին ազդեցիկ է, և այնտեղ նախագահը նաև ուժայի կառույցների ղեկավարն է ,-ասաց նա: Հիշեցնենք, որ այսօր Արցախի արտգործնախարար Մասիս Մայիլյանը հայտարարել էր, որ առաջադրում է իր թեկնածությունը երկրի նախագահի պաշտոնում: Եկել է համազգային օրակարգի, ինչպես նաև Արցախում արմատական բարեփոխումների ծրագրերի քննարկման և ընդունման նպատակով հանրության առողջ ուժերի լայն համախմբանն ուղղված ակտիվ ու վճռական քայլերի ժամանակը։ Բարեփոխումների արդյունքում մենք համատեղ ուժերով կապահովենք մեր երկրի անվտանգ, բարեկեցիկ, հուսալի, արդար, քաղաքակիրթ և ժողովրդավարական ապագան, մի խոսքով՝ կկերտենք մեր Նոր Արցախը ,-իր հայտարարության մեջ նշել էր նա։

Related news

Latest News
Hashtags:   

իշխանությունները

 | 

կանեն

 | 

Արցախում

 | 

իրենց

 | 

թեկնածուն

 | 

դառնա

 | 

նախագահ

 | 

ուժային

 | 

կառույցներում

 | 

կնշանակեն

 | 

վերահսկելի

 | 

մարդկանց

 | 

Արմեն

 | 

Բադալյան

 | 
Most Popular (6 hours)

Most Popular (24 hours)

Most Popular (a week)

Sources