Saturday 19 October 2019
Home      All news      Contact us      English
azatutyun - 11 days ago

Պեսկով. «ԱՄՆ կարող է նպաստել ռուս-ուկրաինական վեճի կարգավորմանը»

Կրեմլի համոզմամբ, Միացյալ Նահանգները կարող է գործադրել իր ազդեցությունը և նպաստել ռուս-ուկրաինական վեճերի կարգավորմանը: «ԱՄՆ-ը վստահ ունի Կիևի վրա ազդեցությունը գործադրելու հնարավորինս արագ Մինսկի համաձայնությունների կատարումն Ուկրաինային պարտադրելու հնարավորուոյուն»,- այսօր ասել է Ռուսաստանի նախագահ Վլադիմիր Պուտինի խոսնակ Դմիտրի Պեսկովը: Միաժամանակ Կրեմլի խոսնակը նշել է, որ Մոսկվան մտադիր չէ աջակցել Նորմանդյան ձևաչափին Միացյալ Նահանգների միանալու գաղափարը: Նորմանդյան ձևաչափով քննարկումներին երկրների ղեկավարների մակարդակով մասնակցում են Ռուսաստանը, Ուկրաինան, Ֆրանսիան և Գերմանիան: Այդ ձևաչափով վերջին գագաթնաժողովը գումարվել է 2016 թվականի հոկտեմբերին: Ռուսաստանը Ղրիմի թերակղզին բռնակցել է 2014 թվականին և սատարում է Ուկրաինայի արևելքում գործող ռուս անջատականներին: Անցած շաբաթ Ուկրաինայի նախագահ Վլադիմիր Զելենսկին հաղորդել է գործարքի մասին, որով արևելյան անջատական տարածքներում կանցկացվեն տեղական ընտրություններ: Ուկրաինայի արևելքում 2014 թվականից ընթացող պատերազմում զոհվել է ավելի քան 13 հազար մարդ: Ռուսաստանի սերտ դաշնակից Բելառուսի նախագահ Ալեքսանդր Լուկաշենկոն Մինսկում ասել է, որ Ուկրաինայի հակամարտությունը հնարավոր չէ կարգավորել առանց Միացյալ Նահանգների ներգրավման: «Ուկրաինայի առճակատումը սոսկ մարտահրավեր չէ, այն անհրաժեշտ է անպայման լուծել, դա հնարավոր է, եթե բոլորս ջանքեր գործադրենք, այլապես մենք կհավաքվենք, կխոսենք, բայց գործը տեղից չի շարժվի»,- ասել է Լուկաշենկոն:

Related news

Latest News
Hashtags:   

Պեսկով

 | 

կարող

 | 

նպաստել

 | 

ուկրաինական

 | 

կարգավորմանը

 | 
Most Popular (6 hours)

Most Popular (24 hours)

Most Popular (a week)

Sources