Saturday 19 October 2019
Home      All news      Contact us      English
azatutyun - 14 days ago

Էրդողանը սպառնում է ռազմական գործողություններ սկսել Սիրիայի հյուսիսում

Թուրքիայի նախագահը սպառնացել է այսօր կամ վաղը զինված ուժերն ուղարկել Սիրիայի հյուսիս և ռազմական գործողություններ սկսել Միացյալ Նահանգների աջակցությունը վայելող քրդական ուժերի դեմ: «Դա այլևս անխուսափելի է», - հայտարարել է Էրդողանը, ընդգծելով՝ հարձակումները կլինեն օդից և ցամաքից: «Մենք ավարտել ենք նախապատրաստական աշխատանքներն ու տվել համապատասխան հրամանները, ժամանակն է ճանապարհ բացել խաղաղության համար, լվանալ Եփրատի արևելյան ափերը խաղաղության ջրերով և մաքրել այդ տարածքը՝ փախստականներին տեղակայելու համար», - նշել է Էրդողանը: Ելույթ ունենալով իշխող կուսակցության համաժողովում՝ Թուրքիայի նախագահը միաժամանակ հորդորել է ՆԱՏՕ-ին ու Միացյալ Նահանգներին կողմնորոշվել՝ ինչ դիրքորոշում են նրանք որդեգրելու այս հարցում: Անկարան ահաբեկչական է որակում Սիրիայի հյուսիսում հաստատված քրդական խմբավորումները, Միացյալ Նահանգները, մինչդեռ, տարիներ շարունակ համագործակցում էր նրանց հետ՝ Իսլամական պետության դեմ պայքարում: Ավելի վաղ Վաշինգտոնը հորդորել էր Անկարային «միակողմանի քայլերի չգնալ»: Քրդական դեմոկրատական ուժերն, իրենց հերթին, այսօր հայտարարել են, թե «պատրաստ են հակազդել թուրքական կողմի ցանկացած սադրիչ հարձակման»:

Related news

Latest News
Hashtags:   

Էրդողանը

 | 

սպառնում

 | 

ռազմական

 | 

գործողություններ

 | 

սկսել

 | 

Սիրիայի

 | 

հյուսիսում

 | 
Most Popular (6 hours)

Most Popular (24 hours)

Most Popular (a week)

Sources