Friday 22 November 2019
Home      All news      Contact us      English
tert.am - 2 month ago

Իրաքի վարչապետը չեղարկել է պարետային ժամը

Իրաքի վարչապետ և Զինված ուժերի գերագույն հրամանատար Ադել Աբդել Մահդին հրահանգել է չեղարկել երկրում հայտարարված պարետային ժամը: Որոշումն ուժի մեջ կմտնի տեղի ժամանակով 5: 00-ին (Երևանի ժամանակով 06:00-ին), Коммерсант-ի փոխանցմամբ՝ հայտնում է Al-Sumaria-ն: Հիշեցնենք, որ հոկտեմբերի 3-ին Բաղդադում ընթացող բողոքի ցույցերի ֆոնին երկրի իշխանությունները պարետային ժամ էին հայտարարել: Ըստ աղբյուրի՝ որևէ տեղեկություն չի հաղորդվում, թե որ քաղաքում կամ նահանգում է պարետային ժամը չեղյալ հայտարարվում: Նշենք, որ հոկտեմբերի 1-ին Իրաքում սկսվել են հակակառավարական ցույցեր: Քաղաքացիները դժգոհում են կյանքի վատ պայմաններից, գործազրկությունից և կոռուպցիայից: Բաղդադում և Իրաքի այլ քաղաքներում ցուցարարները պահանջում էին Ադել Աբդել Մահդիի կաբինետի հրաժարականը: Մի շարք քաղաքներում, այդ թվում՝ մայրաքաղաքում, ցույցերը վերածվել են անկարգությունների և ոստիկանության ուժերի հետ բախումների: Ակցիայի մասնակիցներին ցրելու համար ոստիկանությունն արցունքաբեր գազ և ռետինե փամփուշտներ է կիրառել: Իրաքի մեծ մասում սահմանափակվել էր ինտերնետի հասանելիությունը, Բաղդադում պարետային ժամ էր հայտարարվել: Բողոքի ցույցերի ընթացքում, նախնական տեղեկություններով, զոհվել է 44 մարդ, այդ թվում՝ 2 ոստիկան, կան հարյուրավոր վիրավորներ:

Related news

Latest News
Hashtags:   

Իրաքի

 | 

վարչապետը

 | 

չեղարկել

 | 

պարետային

 | 
Most Popular (6 hours)

Most Popular (24 hours)

Most Popular (a week)

Sources