Saturday 19 October 2019
Home      All news      Contact us      English
azatutyun - 15 days ago

Գագիկ Խաչատրյանի եղբորորդին կշարունակի մնալ կալանքի տակ

Վերաքննիչ դատարանը այսօր մերժեց Պետեկամուտների կոմիտեի (ՊԵԿ) նախկին նախագահ Գագիկ Խաչատրյանի եղբորորդուն Կարեն Խաչատրյանին կալանավորելու առաջին ատյանի դատարանի որոշման դեմ փաստաբանների ներկայացրած բողոքը: Կարեն Խաչատրյանը հորեղբոր՝ Գագիկ Խաչատրյանի հետ կշարունակի մնալ կալանքի տակ: Փաստաբան Ամրամ Մակինյանը որոշումը անհիմն է որակում․ «Բողոքը մեր մերժվեց ամբողջությամբ ու այն համատեքստում, էն հիմքերի ու հիմնավորումների սահմաններում, որ մենք ներկայացրել էինք բողոքը, ես նախորդ անգամ հարցազրույց տալուց նշեցի՝ էն իմաստով, որ առավել քան հիմնավորված էր, որ մեղադրանքը օրինական չէ, առնվազն ես՝ որպես փաստաբան, զարմացած եմ, բայց նաև հայտնի իրողությունները հաշվի առնելով՝ այն, որ դատարանները մեծ ճնշման ներքո են, այլ սպասելիքներ անձամբ ես քիչ ունեի»։ Կարեն Խաչատրյանը մեղադրվում է առանձնապես խոշոր չափով վատնում կատարելու մեջ: Մասնավորապես, ըստ մեղադրող կողմի, Կարեն Խաչատրյանը հաստատել է 7 անձի աշխատաժամանակի տեղեկագրեր, ովքեր աշխատավարձ են ստացել, սակայն աշխատանքի չեն ներկայացել: «Մեր համար վերաքննիչ դատարանի որոշումը առնվազն զարմանալի էր, թե ինչ մտավախություններ ունի վերաքննիչ դատարանը։ Վերաքննիչ դատարանում էլ նշեցինք, հիմնավորեցինք և փաստարկեցինք, որ էն մտավախությունները, որ առաջին ատյանի դատարանը հայտնել է Կարեն Խաչատրյանի մասով, անազատության մեջ գտնվելու պայմաններում կխոչընդոտի ենթադրյալ մինչդատական վարույթում գործի քննությանը, դրանք ի չիք դարձած ենթադրություններ են այն իմաստով, որ Կարեն Խաչատրյանը ընդհանրապես դատավարության տվյալ մասնակիցներին բացարձակապես չի ճանաչում», - նշեց Մակինյանը։ Փաստաբանը մինչդեռ պնդում է՝ մեղադրանքը հաստատող որևէ փաստական հանգամանք գործում չկա: Ամրամ Մակինյանը շեշետադրում է՝ թեև Կարեն Խաչատրյանը մեղադրանքը չի ընդունում, բայց, այնուամենայնիվ, մեղադրանքում նշված 192 մլն դրամը գտնվում է դատախազության դեպոզիտային հաշվին: Ի դեպ, Խաչատրյանն իր հաշիվներից օգտվել չի կարող։

Related news

Latest News
Hashtags:   

Գագիկ

 | 

Խաչատրյանի

 | 

եղբորորդին

 | 

կշարունակի

 | 

կալանքի

 | 
Most Popular (6 hours)

Most Popular (24 hours)

Most Popular (a week)

Sources