Thursday 21 November 2019
Home      All news      Contact us      English
tert.am - 2 month ago

ԱԺ-ն կընդունի Հրայր Թովմասյանի լիազորությունները դադարեցնելու մասին ՍԴ-ի ցանկացած որոշում. Արարատ Միրզոյան

Եթե ԱԺ քվեարկության արդյունքներով Հրայր Թովմասյանի լիազորությունները դադարեցնելու հարցով ՍԴ դիմելու նախագիծը մերժվի, մենք կմտածենք՝ ինչ քայլերի դիմենք, իմ մտքում շատ քայլեր կան: Այս մասին լրագրողների հետ զրույցում ասաց ԱԺ նախագահ Արարատ Միրզոյանը՝ անդրադառնալով Հրայր Թովմասյանի լիազորությունները դադարեցնելու հարցը ՍԴ ուղարկելու հարցին: Ես շատ քայլեր ունեմ իմ մտքում, բայց պիտի հասկանանք պրոցեսը հիմա ինչպիսին պիտի լինի , - ասաց նա: Հարցին՝ իրավական քայլեր կա՞ն, նա պատասխանվեց. Մենք ընդհանրապես որևէ բան որ անում ենք, իրավական կարգավորումների շրջանակում է, բացառվում է իրավական կարգավորումների շրջանակից դուրս որևէ քայլ, ցանկացած հարցի պարագայում : Դիտարկմանը, որ Հրայր Թովմասյանը կարծում է, որ ցանկանում են ՍԴ-ին քաղաքական որոշումներ ընդունելու ճանապարհին լռեցնել, Միրզոյանը արձագանքեց, որ իշխող քաղաքական ուժը որևէ մտադրություն չունի և երբեք չի ունեցել իր համար ենթադրյալ անցանկալի մարդկանց դատական համակարգից հեռացնելու մտադրություն: Ճիշտ հակառակը՝ մենք միշտ հանդես ենք եկել օբյեկտիվ, արդար, անաչառ դատական համակարգ ունենալու օգտին, և մեր մոտիվացիան մշտապես եղել է դա: Կարծում եմ՝ եթե մենք այդպիսի մտադրություն ունենայինք, այս կամ այն կերպ այս ամիսների ընթացքում դա դրսևորված կլիներ ,- ասաց նա: Անդրադառնալով ԲՀԿ-ի որոշմանը՝ չմասնակցել նախագծի քվեարկությանը՝ Արարատ Միրզոյանը նկատեց, որ ԱԺ երեք ուժերից մեկը այսպիսի կարևոր հարցի շուրջ չի կարող դիրքորոշում չունենալ: Ես հարգում եմ ԼՀԿ-ի դիրքորոշումը՝ այս նախագծին պաշտպանելը, նույնքան կգնահատեի և կհարգեի ԲՀԿ-ի դիրքորոշումը, եթե նրանք որոշեին դեմ քվեարկել նախագծին ,- ասաց նա: Հարցին՝ ակնկալո՞ւմ են ՍԴ-ից արդար դիրքորոշում այս հարցի շուրջ, Միրզոյանն ասաց՝ չի ցանկանում դատողություն անել կամ կանխակալ դատողություն անել. Իհարկե, ակնկալում եմ : Հարցին էլ՝ կընդունե՞ն ՍԴ որոշումը, ինչպիսին էլ այն լինի, Արարատ Միրզոյանն ասաց՝ այո: Հիշեցնենք, որ ԱԺ-ն 98 կողմ մեկ դեմ ձայնի հարաբերակցությամբ ընդունեց Թովմասյանի լիազորությունները դադարեցնելու նախագիծը:

Related news

Latest News
Hashtags:   

կընդունի

 | 

Հրայր

 | 

Թովմասյանի

 | 

լիազորությունները

 | 

դադարեցնելու

 | 

մասին

 | 

ցանկացած

 | 

որոշում

 | 

Արարատ

 | 

Միրզոյան

 | 
Most Popular (6 hours)

Most Popular (24 hours)

Most Popular (a week)

Sources