Saturday 7 December 2019
Home      All news      Contact us      English
tert.am - 2 month ago

30 մլն դրամի վնասի պատճառմամբ կոռուպցիոն չարաշահումներ՝ Գյումրու աթլետիկայի մանկապատանեկան մարզադպրոցում. քրգործ է հարուցվել

Շիրակի մարզում շարունակվում են մարզի ուսումնական հաստատություններում կոռուպցիոն հացնագործությունների բացահայտման, դրանցում ներգրավված անձանց պատասխանատվության ենթարկելուն ուղղված ակտիվ աշխատանքները: Այս մասին հայտնում են դատախազության հանրային կապերի բաժնից: Մասնավորապես 2019թ. սեպտեմբերի 23-ին ՀՀ ոստիկանության Շիրակի մարզային վարչության Գյումրի քաղաքի Մուշի բաժնում ստացված օպերատիվ տվյալների հիման վրա նույն բաժնում նախապատրաստված նյութերով փաստական տվյալներ են ձեռք բերվել այն մասին, որ 2009-2019թթ. ընթացքում, տարբեր ժամանակահատվածներում, Գյումրու Աթլետիկայի մանկապատանեկան մարզադպրոց ՀՈԱԿ տնօրենի հրամանագրերով 4 անձ, այդ թվում նաև նրա կինը, աշխատանքի է ընդունել որպես հավաքարար, իսկ որդին և մեկ այլ անձ ընդունվել են մարզիչի հաստիքին: Վերջիններս, սակայն, աշխատանքի չեն հաճախել և չեն կատարել իրենց աշխատանքային պարտականությունները: Այդ պայմաններում, մարզադպրոցի տնօրենի կողմից յուրաքանչյուր ամիս ստորագրվել և հաստատվել են պաշտոնեական փաստաթուղթ հանդիսացող աշխատաժամանակի հաշվարկի տեղեկագրեր, որոնցում կեղծ տեղեկություններ են ներառվել նշված անձնաց կողմից կանոնավոր աշխատանքի այցելելու մասին: Ապա կեղծ տեղեկագրերի հիման վրա որպես վերջիններիս հասանելիք աշխատավարձ և արձակուրդային վճարումներ, ելքագրվել է առանձնապես խոշոր չափերի՝ ընդհանուր ավելի քան 30մլն դրամ գումար, որը վատնման եղանակով հափշտակվել է: Նկատի ունենալով, որ նախապատրաստված նյութերն առերևույթ պարունակում են Գյումրու Աթլետիկայի մանկապատանեկան մարզադպրոց ՀՕԱԿ պաշտոնատար անձանց կողմից առանձնապես խոշոր չափերով հափշտակության և պաշտոնեական կեղծիք կատարելու հանցագործությունների հատկանիշներ պարունակող փաստական տվյալներ և անհրաժեշտ է կատարել լրիվ, բազմակողմանի և օբյեկտիվ քննություն՝ Շիրակի մարզի դատախազությունում ՀՀ քրեական օրենսգրքի 179-րդ հոդվածի 3-րդ մասի 1-ին կետով և 314-րդ հոդվածի 1-ին մասով հարուցվել է քրեական գործ: Նախաքննության կատարումը հանձնարարվել է ՀՀ քննչական կոմիտեին:

Related news

Latest News
Hashtags:   

դրամի

 | 

վնասի

 | 

պատճառմամբ

 | 

կոռուպցիոն

 | 

չարաշահումներ՝

 | 

Գյումրու

 | 

աթլետիկայի

 | 

մանկապատանեկան

 | 

մարզադպրոցում

 | 

քրգործ

 | 

հարուցվել

 | 
Most Popular (6 hours)

Most Popular (24 hours)

Most Popular (a week)

Sources