Wednesday 18 September 2019
Home      All news      Contact us      English
tert.am - 7 days ago

Ոմանք երկրի գործող ղեկավարության հորդորով կամ համաձայնությամբ փորձում են Հայաստանը ներքաշել գեոպոլիտիկ խաղի մեջ. Արմեն Աշոտյան

ՀՀԿ փոխնախագահ Արմեն Աշոտյանը ֆեյսբուքյան իր էջում գրառում է կատարել, որում խոսել է վերջին շրջանում տեղի ունեցող երևույթների մասին, որոնք անհանգստացնող և մտահոգիչ է համարում: Աշոտյանը կարծիք է հայտնել, որ ոմանք, երկրի գործող ղեկավարության հորդորով կամ համաձայնությամբ, փորձում են Հայաստանը ներքաշել գեոպոլիտիկ խաղի մեջ: Գրառումը ներկայացնում ենք ստորև. Անհամեստ չհնչի, բայց փաստ է, որ Հայաստանի քաղաքական դաշտում դժվար թե գտնվի մեկը, ով ինձանից հաճախ, ինտենսիվ և բովանդակային աշխատանք է տանում Եվրոպական Միության կառույցների հետ։ Արևմուտքի հետ մեր հարաբերությունները մշտապես եղել են արտաքին քաղաքականության հարստացման, բալանսավորման, ներքին քաղաքական օրակարգի և բարեփոխումների տեսանելի, շոշափելի եւ առարկայական բաղկացուցիչ։ Գեոպոլիտիկ և ոչ մի կենտրոն ի զորու չէ միայնակ հոգալ և բավարարել Հայաստանի ու Արցախի բոլոր խնդիրներն արդի աշխարհում՝ անվտանգությունից մինչև տնտեսություն ու կրթություն։ Երկրի արտաքին քաղաքականության վեկտորների միջանցքը, ելնելով տարածաշրջանային առանձնահատկություններից, շատ նեղ է։ Վերջին շրջանում տեղի ունեցող երևույթները, սակայն, անհանգստացնող են և մտահոգիչ։ Նշաններ եմ տեսնում, որ ոմանք, երկրի գործող ղեկավարության հորդորով կամ համաձայնությամբ, փորձում են Հայաստանը ներքաշել գեոպոլիտիկ խաղի մեջ, դարձնելով մեզ հզորների բախման մարտադաշտ։ Երկիրս փորձարկումների չենթարկեք։ Ձեր ներքին խաղիկներն ու նոպաները մի կողմ՝ ժողովրդի և պետության ճակատագրի հետ անփառունակ խաղեր չտաք։ Հետո չասեք, թե չեմ զգուշացրել ,- գրել է Արմեն Աշոտյանը:

Related news

Latest News
Hashtags:   

Ոմանք

 | 

երկրի

 | 

գործող

 | 

ղեկավարության

 | 

հորդորով

 | 

համաձայնությամբ

 | 

փորձում

 | 

Հայաստանը

 | 

ներքաշել

 | 

գեոպոլիտիկ

 | 

Արմեն

 | 

Աշոտյան

 | 
Most Popular (6 hours)

Most Popular (24 hours)

Most Popular (a week)

Sources