Friday 20 September 2019
Home      All news      Contact us      English
tert.am - 9 days ago

Մոսկվան բարձր է գնահատում Հայաստանի սկզբունքային մոտեցումը II Համաշխարհային պատերազմի պատմության խեղաթյուրման դեմ պայքարում․ Կոպիրկին

Մոսկվան բարձր է գնահատում Երկրորդ Համաշխարհային պատերազմի պատմական փաստերի խեղաթյուրման դեմ պայքարում Հայաստանի սկզբունքային մոտեցումը՝ պաշտոնական Երևանի Լեհաստանում միջոցառմանը չմասնակցելու համատեքստում։ Սա անցյալի դեպքերի աղավաղման դեմ բացահայտ քայլ է եղել։ ТАСС գործակալության հաղորդմամբ՝ այս մասին չորեքշաբթի օրը հայտնել է Հայաստանում ՌԴ արտակարգ և լիազոր դեսպան Սերգեյ Կոպիրկինը Երկրորդ համաշխարհային պատերազմի 80-րդ տարելիցի կապակցությամբ միջոցառման ժամանակ։ Մենք երախտապարտ ենք հայկական կողմին իր սկզբունքային վերաբերմունքի համար պատմության աղավաղման դեմ պայքարում։ Սա ապացույցն է այն բանի, որ Հայաստանը և իր ժողովուրդը գնահատում են իրենց նախնիների վաստակը, հարգում նահատակների հիշատակը։ Մեր հայ ընկերների այս քայլը, ինչպես նաև մյուս եղբայր ժողովուրդների մոտեցումը հերթական անգամ ապացուցում է, որ Երկրորդ համաշխարհային պատերազմում տարած հաղթանակը ընդհանուրի հաղթանակն է եղել, և այդ հաղթանակը երկրների մեջ բաժանելու ակնթարթային և անհիմն փորձերը դատապատված են ձախողման ,-նշել է դեսպանը։ Ռուսական դիվանագիտական ներկայացուցչի խոսքերի համաձայն՝ 2020թ․-ին մեծ միջոցառում է նախատեսվում կազմակերպել նացիզմի դեմ տարած հաղթանակի 75-ամյակի կապակցությամբ։ Ես համոզված եմ, որ այդ օրվան Հայաստանում ևս ըստ անհրաժեշտության կնախապատրաստվեն, մենք միասին կնշենք այդ տոնը ,-ընդգծել է Կոպիրկինը։ Երկրորդ համաշխարհային պատերազմի բռնկման 80-րդ տարելիցի կապակցությամբ կլոր սեղան է կազմակերպվել Ռուսաստանի պետական համալսարանի երևանյան մասնաճյուղում, որին մասնակցում են ՌԴ, Բելառուսի և Ղազախստանի դեսպանները, պատմաբաններ և քաղաքագետներ։ Ավելի վաղ Հայաստանի կառավարությունը հրաժարվել էր մասնակցել սեպտեմբերի 1-ին Լեհաստանում համաշխարհային պատերազմի բռնկման 80-րդ տարելիցի կապակցությամբ կազմակերպված միջոցառմանը՝ չնայած հրավերի առկայությանը։ Ռուսաստանը ընդհանրապես հրավեր չէր ստացել։ Այսուհանդերձ, Լեհաստանի իշխանությունները օգտագործել էին միջոցառումը՝ պատերազմի նախաշեմին ԽՍՀՄ գործողությունները, ինչպես նաև ՌԴ ներկայիս վարած քաղաքականությունը քննադատելու համար։

Related news

Latest News
Hashtags:   

Մոսկվան

 | 

բարձր

 | 

գնահատում

 | 

Հայաստանի

 | 

սկզբունքային

 | 

մոտեցումը

 | 

Համաշխարհային

 | 

պատերազմի

 | 

պատմության

 | 

խեղաթյուրման

 | 

պայքարում․

 | 

Կոպիրկին

 | 
Most Popular (6 hours)

Most Popular (24 hours)

Most Popular (a week)

Sources