Friday 20 September 2019
Home      All news      Contact us      English
tert.am - 9 days ago

Վարչապետը ինչու՞ չի իջնում ժողովրդի մոտ՝ այս ժողովրդով է դարձել վարչապետ. ավտոներկրողներ բողոքի ակցիա իրականացրին կառավարության դիմաց

Լուսանկարը՝ Factor.am-ի

Կառավարության դիմաց ավտոներկրողները բողոքի ակցիա են կազմակերպել և սպասում են փոխվարչապետ Մհեր Գրիգորյանին: Ավտոներկրողները բողոքում են ավտոմաքսատունը Գյումրի տեղափոխելու ծրագրից: Հիմա կառուցում են մեծ մաքսակետ և քննական բաժանմունք Գյումրիում: Գտնում ենք, որ անհնար է Երևանից և ընդհանրապես, տարբեր տեղերից քաղաքացիները մեկնեն Գյումրի մաքսազերծում անելու համար, մանավանդ, որ մնացել է 3 ամիս, որ մարդիկ մասսայական գործազուրկ լինեն, քանի որ չեն կարողանալու արտերկրից ներկրեն մեքենա: Հիմա ի՞նչ կարիք կա ձմռան շեմին բոլորս մեկնենք Գյումրի: Ես պարոն վարչապետին հարց եմ տալիս, որ այդքան քաղաքացի մեկնի Գյումրի, պատկերացնու՞մ եք ինչ վթարներ կլինեն ,-ասաց Ավտոներկրողների միության նախագահ Տիգրան Հովհաննիսյանը և նշեց՝ որքան ժամանակ է սպասում են, իսկ կառավարությունից ոչ ոք չի իջնում՝ իրենց տեսնելու: Նա նշեց, որ հաջորդ խնդիրն այն է, որ 10 հազար մեքենա կուտակվել է Վրաստանում. հայերի մեքենաները չեն բեռնաթափում: Հունվարից հետո 10 հազար մարդ չի հասցնելու իր մեքենան հասցնի Հայաստան, ՊԵԿ-ի, ոստիկանության պատասխանն էլ այն է թե ծախեք վրացիներին ,-ասաց նա: Ավտոներկրող Գարիկ Վարդանյանը հիշեցրեց վարչապետի խոսքերը, ով նշում էր, որ ժողովրդի հետ ցանկացած հարց պետք է քննարկել: Ինչու՞ չի իջնում ժողովրդի մոտ՝ այս ժողովրդով է դարձել վարչապետ, ոչ թե մենակ: Ու՞ր ես, Նիկոլ վարչապետ ,-ասաց նա և հավելեց, որ եթե վարչապետը չի կարող, գոնե կառավարության ներկայացուցիչները կարող են իջնել: Գարիկ Վարդանյանը նշեց, որ ավտոմաքսատունը Գյումրի տեղափոխելն աբսուրդ է. Այս կառավարութան բոլոր աշխատողները բյուջեով են սնվում, որի ահռելի մասը ավտոներկրողներ են կազմում. եթե գործը կանգնեց, սոցիալական բունտ է լինելու: Նախկիններին ինչու՞ բոլորս հեռացրինք, որովհետև նույն վիճակն էր: Մենք օրենքից դուրս որևէ բան չենք պահանջում: Իմ առաջարկն է՝ միայն վարչապետի հետ խոսելը : Ակցիայի մասնակիցներից նաև ճանապարհները փակելու առաջարկ եղավ:

Related news

Latest News
Hashtags:   

Վարչապետը

 | 

ինչու՞

 | 

իջնում

 | 

ժողովրդի

 | 

ժողովրդով

 | 

դարձել

 | 

վարչապետ

 | 

ավտոներկրողներ

 | 

բողոքի

 | 

ակցիա

 | 

իրականացրին

 | 

կառավարության

 | 

դիմաց

 | 
Most Popular (6 hours)

Most Popular (24 hours)

Most Popular (a week)

Sources