Sunday 16 December 2018
Home      All news      Contact us      English
azatutyun - 9 days ago

Վերաքննիչ դատարանը որոշեց՝ Քոչարյանը պետք է կրկին կալանավորվի

Վերաքննիչ դատարանի այսօր հրապարակած որոշման համաձայն՝ սահմանադրական կարգի տապալման մեջ մեղադրվող երկրորդ նախագահ Ռոբերտ Քոչարյանը պետք է կրկին կալանավորվի: «Առաջին ատյանի դատարանի որոշումը թողնվել է անփոփոխոխ, մեր բողոքները մերժվել են: Դա բողոքարկվելու է», - լրագրողների հետ զրույցում հայտարարեց Քոչարյանի պաշտպաններից Հայկ Ալումյանը: - «Դատարանի որոշման հիման վրա [Քոչարյանը] կալանավորվելու է», - հավելեց նա: Վերաքննիչ դատարանը գործը քննել էր հինգ օրում: Նոյեմբերի 15-ին Վճռաբեկ դատարանը մասնակի բավարարել էր գլխավոր դատախազության բողոքը՝ Քոչարյանի նկատմամբ կալանավորման վերաբերյալ որոշումը կրկին հասցեագրելով վերաքննիչ ատյանին:  Դատախազությունը Վճռաբեկ դատարանից պահանջել էր բեկանել Վերաքննիչի որոշումն ու ուժի մեջ թողնել առաջին ատյանի որոշումը, որը նախկին նախագահին կալանավորելու որոշում էր կայացրել: Նախկին նախագահին մեղադրանք է առաջադրվել «Մարտի 1»-ի գործի շրջանակում: Հուլիսի 27-ին Երևանի ընդհանուր իրավասության դատարանը նրա նկատմամբ խափանման միջոց էր ընտրել երկամսյա կալանավորումը: Օգոստոսի 13-ին, սակայն, Վերաքննիչ դատարանը վերացրել էր առաջին ատյանի այդ որոշումը՝ Սահմանադրությամբ նախագահին տրված անձեռնմխելիության հիմքով: Քոչարյանի խափանման միջոցը վերացնելու՝ Վերաքննիչ դատարանի որոշումը բողոքարկելու համար վճռաբեկ ատյան էին դիմել թե՛ Ռոբերտ Քոչարյանի պաշտպանները, և թե՛ գլխավոր դատախազ Արթուր Դավթյանը։

Related news

Latest News
Hashtags:   

Վերաքննիչ

 | 

դատարանը

 | 

որոշեց՝

 | 

Քոչարյանը

 | 

կրկին

 | 

կալանավորվի

 | 
Most Popular (6 hours)

Most Popular (24 hours)

Most Popular (a week)

Sources