Sunday 16 December 2018
Home      All news      Contact us      English
azatutyun - 9 days ago

«Աշխարհը կորցրեց մեծ առաջնորդի». Արմեն Սարգսյանը գրառում է կատարել ԱՄՆ դեսպանատանը բացված սգո մատյանում

Հանրապետության նախագահ Արմեն Սարգսյանը տիկնոջ՝ Նունե Սարգսյանի հետ այսօր այցելել է Հայաստանում Ամերիկայի Միացյալ Նահանգների դեսպանություն՝ ցավակցություն հայտնելու ԱՄՆ 41-րդ նախագահ Ջորջ Հերբերտ Ուոքեր Բուշի մահվան առնչությամբ:  Ըստ նախագահի պաշտոնական կայքէջի, Արմեն Սարգսյանը գրառում է կատարել Ջորջ Բուշ Ավագի մահվան կապակցությամբ բացված սգո մատյանում:  «Աշխարհը կորցրեց մեծ առաջնորդի: Մեզ հետ կմնան մեծ ու ջերմ հիշողությունները հիանալի մարդու, մեծ ամերիկացու ու իմաստուն քաղաքական գործչի մասին, ով աշխարհը դարձրեց ավելի լավը՝ վերացնելով արգելքներն ու պատերը և կառուցելով վստահություն: Ես երբեք չեմ մոռանա մեր հանդիպումները», - մասնավորապես գրել է Արմեն Սարգսյանը:  Բուշը մահացել է 94 տարեկանում նոյեմբերի 30-ին Տեքսաս նահանգում: Ջորջ Հերբերթ Ուոքեր Բուշը ԱՄՆ նախագահի պաշտոնը զբաղեցրել է 1989-1992 թվականներին: Մինչև Սպիտակ տան ղեկավարի պաշտոնը ստանձնելը Բուշը զբաղեցրել է երկրի փոխնախագահի, ինչպես նաև Կենտրոնական հետախուզական վարչության տնօրենի պաշտոնները: Նրա նախագահության տարիներին փլուզվեց ԽՍՀՄ-ը, Քուվեյթի ազատագրման նպատակով իրականացվեց «Փոթորիկ անապատում» գործողությունը:  

Related news

Latest News
Hashtags:   

Աշխարհը

 | 

կորցրեց

 | 

առաջնորդի

 | 

Արմեն

 | 

Սարգսյանը

 | 

գրառում

 | 

կատարել

 | 

դեսպանատանը

 | 

բացված

 | 

մատյանում

 | 
Most Popular (6 hours)

Most Popular (24 hours)

Most Popular (a week)

Sources