Saturday 15 May 2021
Home      All news      Contact us      RSS      English
azatutyun - 23 days ago

Մեր համար մեկ խնդիրը միջազգային քաղաքական ճնշումը Ադրբեջանի վրա մեծացնելն է․ Ռուբինյան

Եվրոպայի խորհրդի խորհրդարանական վեհաժողովի (ԵԽԽՎ) Մոնիտորինգի կոմիտեն հայտարարություն է ընդունել, որով Ադրբեջանին կոչ է արել անհապաղ վերադարձնել հայ գերիներին: Հղում կատարելով Մարդու իրավունքների եվրոպակաան դատարանին (ՄԻԵԴ)՝ մոնիտորինգի հանձնաժողովը նաև թիվ է նշում՝ Ադրբեջանում պահվող հայերը ենթադրաբար 188-ն են։ «Մոնիտորինգի հանձնաժողովում երկար քննարկումներ են եղել վերջին ամիսներին։ Մի քանի անգամ վերջին պատերազմը, դրա հետևանքները և դրա հետ կապված հանգամանքները քննարկվել են։ Բնականաբար, բարձրացվել են մեր կողմից։ Ի վերջո այս անգամ հայտարարության տեքստ էր նախատեսված, որը ադրբեջանցի պատվիրակները ամեն կերպ փորձում էին վիժեցնել, այսինքն՝ չթողնել, որպեսզի ընդունվի այդ հայտարարության տեքստը։ Բայց գերակշիռ մեծամասնության քվեարկությամբ այդ հայտարարությունը ընդունվեց։ Հայտարարության հիմնական կետերը հետևյալներն են․ որ հայ գերեվարվածները պետք է անհապաղ վերադարձվեն, ինչպես դա նախանշված է եռակողմ հայտարարության մեջ, հղում է արված նաև Մարդու իրավունքների եվրոպական դատարանի կիրառած միջանկյալ միջոցին և դրա հետ կապված մտահոգություններին, նաև նշում կա այն մասին, որ մշակութային ժառանգությունը նույնպես պետք է պահպանվի», - «Ազատությանը» փոխանցեց  ԵԽԽՎ-ում Հայաստանի պատվիրակության ղեկավար Ռուբեն Ռուբինյանը։ Նա լիահույս է, որ Ադրբեջանի վրա այս ճնշումը արագ արդյունքներ կտա։ Միևնույն ժամանակ Ռուբինյանը նշում է, որ ԵԽԽվ հայտարարություններն ու բանաձևերը քաղաքական են և իրավական ոչ մի ուժ չունեն․ - «Բայց ունեն քաղաքական ուժ, և մեր համար մեկ խնդիրն է՝ մեծացնել միջազգային քաղաքական ճնշումը Ադրբեջանի վրա բոլոր ուղղություններով։ Սա այդ համատեքստում քայլերից մեկն է, և ես վստահ եմ, որ այսպես շարունակելու դեպքում, ճնշումը հետևողականորեն մեծացնելու դեպքում կհասնենք մեր ցանկալի հարգրվանին»։ Թեև Հայաստանի, Ռուսաստանի և Ադրբեջանի ղեկավարների նոյեմբերի 9-ի համատեղ հայտարարության 8-րդ կետով հստակ շեշտվել է ռազմագերիների, պատանդների և պահվող այլ անձանց ու մահացածների մարմինների փոխանակման մասին, սակայն Ադրբեջանը բոլորին չի վերադարձրել։Աավելին՝ պաշտոնական Բաքուն մի քանի անգամ հայտարարել է, որ նրանց ոչ թե ռազմագերի, այլ հանցագործ է համարում։ Հայ գերիների հարցը քննարկեց նաև ԵԽԽՎ գարնանային նստաշրջանի ապրիլի 20-ի նիստում։ Ելույթ ունեցած բոլոր պատվիրակները, բացառությամբ Ադրբեջանն ու Թուրքիան ներկայացնողների, պահանջեցին պաշտոնական Բաքվից՝ անհապաղ ազատ արձակել հայ ռազմագերիներին ու այլ ձերբակալված անձանց։


Latest News
Hashtags:   

համար

 | 

խնդիրը

 | 

միջազգային

 | 

քաղաքական

 | 

ճնշումը

 | 

Ադրբեջանի

 | 

մեծացնելն

 | 

Ռուբինյան

 | 

Sources