Friday 16 April 2021
Home      All news      Contact us      RSS      English
tert.am - 2 month ago

Նիկոլ Փաշինյանը և Իլհամ Ալիևը, ձեռք-ձեռքի տված, փորձում են վերջնականապես գլխատել հայկական բանակը և Հայաստանը բացել թուրք-թաթարական բաշիբոզուկների առաջ․ Սերժ Սրապիոնյան

Ոմանք կարծում են, որ նիկոլ Փաշինյանն անմեղսունակ է, բայց նա շիզոֆրենիայով չի տառապում, դա անթաքույց ատելությունն է հայի նկատմամբ, չեմ ուզում խորանալ այն փաստերի մեջ, որոնք Հայաստանը բերեցին և հասցրեցին անդունդի եզրին, և գուցե արդեն անդունդի մեջ է նետում. Բաղրամյան պողոտայում լրագրողների հետ զրույցում ասաց գրականագետ, ԵՊՀ դասախոս Սերժ Սրապիոնյանը:

Նրա խոսքով՝ այն, ինչ Նիկոլ Փաշինյանն արել է վերջին երեք տարում, մեր վեցհազարամյա պատմության մեջ որևէ տիրակալի օրոք չի հաջողվել անել։

Մեր դարավոր թշնամիները նրան մեր գլխին բերեցին Հայաստանը կործանելու համար: Այն երկու տերությունները, թուրանիզմով տառապող, արդեն իրենց ենթակայության տակ է: Բոլորովին չեմ վախենում ասել՝ մեկը Վրաստանն է, որն արդեն ինքնիշխանության կորստի եզրին է, որովհետև, եթե մի երկրի ՀՆԱ-ի կեսից ավելին թուրքական կապիտալն է, դա նշանակում է՝ երկիրը գնում է թուրքացման, Ադրբեջանի մասին ամեն ինչ հայտնի է, և գլխավոր արգելքը դժբախտաբար պատմականորեն մնում ենք մենք և մարդիկ Նիկոլի ձեռքով կրակից շագանակներ են հանում: Նրանք քանդում են այս երկիրը Նիկոլի ձեռքով հնարավոր ամեն ինչ անում են հայն ու հայկականը ոչնչացնելու համար, սա միայն իմ համոզմունքը չէ, այլ հայ մտավորականների ճնշող մեծամասնության , ասաց նա:

Անդրադառնալով Նիկոլ Փաշինյանի այն հայտարարությանը, որ ԳՇ-ի հայտարարությունը Հայաստանում հեղաշրջման փորձ է, նա ասաց. Եթե վարչապետի պաշտոնին հայտնված մարդը ԳՇ-ի հայտարարությունը համարում է որպես հեղաշրջում, նա պետք է պատասխանի մեկ հարցի՝ այդ գեներալներից որևէ մեկը թիկնապահներով մտե՞լ է վարչապետի գրասենյակ, բռնե՞լ է իր օձիքից և դուրս է շպրտել, այ դա կլիներ հեղաշրջում: Հեղաշրջումն անում են գերգաղտնի պայմաններում ընդամենը մի քանի խիստ հավատարիմ մարդկանց միջոցով։ Օրինակ՝ Պինոչետի հեղաշրջումից մինչև հիտլերյան, իտալական հեղաշրջումները, երբ անձը զրկված է իշխանական լծակներից, նրանք իշխանությունը հանձնում են քաղաքացիական կառույցներին, մինչև ձևավորվում է իշխանություն :

Սերժ Սրապիոնյանը նշեց, որ զինվորականները կտրուկ քայլեր չեն արել, պարզապես եղել է հայտարարություն, որ նա հեռանա։

Ինձ համար մեկ է Ալիևի բաշիբոզուկները կգան կմտնեն Հայաստանը կավերակեն, թե Նիկոլի պայուսակները, ինձ համար կարևորն այն է, որ Հայաստանն ավերակվում է, և զինվորները շատ լավ գիտեն դա, այդ պատճառով էլ զինվորականներն ամենաբարեկիրթ եղանակով ասել են՝ եղբայր վեր կաց գնա, այս երկիրը մի տար կործանման: Սա հերթական նիկոլականությունն է, և նա փորձում է վարկաբեկել հայոց բանակը, որովհետև հայոց բանակը վերջնականապես կազմալուծել չկարողացավ և դրանից խիստ դժգոհ է Ալիևը և իր ուղերձն է յոլդաշ Նիկոլին, որ բանակը ամբողջությամբ չես ոչնչացրել, գեներալներ կան, որոնք հայրենասեր են, սրանք պիտի վերանան, և նա անմիջապես ԳՇ պետին աշխատանքի ազատման հրաման տվեց: Նրանք ձեռք-ձեռքի տված փորձում են վերջնականապես գլխատել բանակը և Հայաստանը բացել թուրք- թաթարական բաշիբոզուկների առաջ :


Latest News
Hashtags:   

Նիկոլ

 | 

Փաշինյանը

 | 

Իլհամ

 | 

Ալիևը

 | 

ձեռքի

 | 

փորձում

 | 

վերջնականապես

 | 

գլխատել

 | 

հայկական

 | 

բանակը

 | 

Հայաստանը

 | 

բացել

 | 

թուրք

 | 

թաթարական

 | 

բաշիբոզուկների

 | 

առաջ․

 | 

Սրապիոնյան

 | 

Sources