Friday 16 April 2021
Home      All news      Contact us      RSS      English
tert.am - 2 month ago

Արա Սաղաթելյանը շատ վտանգավոր է Հայաստանի թշնամիների համար, իսկ թե ինչո՞ւ են որոշել կալանավորել, ամեն մեկն իր եզրակացությունը պետք է անի. Կարեն Վրթանեսյան

ԱԺ աշխատակազմի նախկին ղեկավար Արա Սաղաթելյանն անօրինական ձևով կալանավորված է, պահանջում ենք ազատ արձակել նրան, նա անգնահատելի ներդրում ունի Հայաստանի պետականության տեղեկատվական պաշտպանության գործում, որին իշխանությունները շատ լավ տեղյակ են. Բաղրամյան պողոտայում Tert.am-ի հետ զրույցում ասաց ռազմական փորձագետ Կարեն Վրթանեսյանը, ով ներկայացել էր Ազատություն քաղբանտարկյալ Արա Սաղաթելյանին գրությամբ պաստառով:

Նույնիսկ պատերազմի օրերին էին ուզում ինչ-որ բան անել, այն դեպքում, երբ Սաղաթելյանը Արցախում էր՝ զենքը ձեռքին, բայց դա չէր խանգարում իշխանությանը, որ կեղծիքներ ու ստեր տարածեին, բայց հետո իրենք էին խայտառակ լինում, այսինքն՝ պատերազմը, թշնամուն, Ադրբեջանը թողած՝ պետական կառույցները զբաղվում էին Արա Սաղաթելյանի վրա մտացածին գործ կարելով ,- ասաց նա:

Կարեն Վրթանեսյանը նշեց, որ խոսքը տասնամյակներ շարունակ Արա Սաղաթելյանի կողմից կատարված գործի մասին է, իսկ Սաղաթելյանը շատ վտանգավոր է Հայաստանի թշնամիների համար, իսկ թե ինչու են որոշել կալանավորել, ամեն մեկն իր եզրակացությունը պետք է անի. Արա Սաղաթելյանի մոտ հիմա արգելված են տեսակցությունները, բացի փաստաբանից: Ինձ շատ հետաքրքիր է, որ նախկինում արևմտյան ֆինանսավորմամբ կային իրավապաշտպան կազմակերպություններ, նրանք ինչո՞ւ են բոլորը հիմա լուռ: Եթե նման դեպք լիներ 2018 թվականից առաջ, ամեն օր նրանք գոռալու էին բոլոր հարթակներում, այն դեպքում, երբ ձերբակալությունն իրավաչափ չէ, կալանավորումն անօրինական է և մեղադրանքներն ուղղակի անհեթեթ ու անհիմն են :

Հարցին, թե մեղադրանքներից մեկը կեղծ օգտատիրոջ էջն է, բայց այդ էջում շարունակվում են գրառումներ կատարվել, սա հիմք չէ արդյոք, որ կարող են ազատ արձակել, Վրթանեսյանը ասաց, որ այդ կեղծ օգտատիրոջը հայտնի դարձրին հենց իշխանություններն իրենց անիմաստ սկանդալներով։

Չեմ հասկանում, եթե այդ կեղծ օգտատերից այդքան վախեցած էին, իրենց օրակարգում չէր, ինչո՞ւ էին այդքան գովազդում: Եթե չեմ սխալվում՝ այդ աղմուկից հետո, ժամերի ընթացքում այդ էջին հետևողներն ավելացան, և նա հիմա շարունակում է գործել, ուղղակի իրենց պատրվակ էր պետք Սաղաթելյանին երկար ժամանակով փակելու համար: Սկզբից էլ մեղադրանքի հիմքերը աբսուրդ էին, նա ընդամենը օգտվում էր նույն սերվերներից, ինչպես, օրինակ, մի քանի հարյուր մարդ, իշխանությունների պնդմամբ, որից օգտվել է նաև այդ նույն օգտատերը, բայց ոչ մեկ չգիտի այդպե՞ս է, թե ոչ: Եվ հիմա ունենք անհեթեթ վիճակ, որ մարդը ձերբակալված է, բանտում է լրիվ անհիմն մեղադրանքներով :




Latest News
Hashtags:   

Սաղաթելյանը

 | 

վտանգավոր

 | 

Հայաստանի

 | 

թշնամիների

 | 

համար

 | 

ինչո՞ւ

 | 

որոշել

 | 

կալանավորել

 | 

եզրակացությունը

 | 

Կարեն

 | 

Վրթանեսյան

 | 

Sources