Friday 16 April 2021
Home      All news      Contact us      RSS      English
tert.am - 2 month ago

Տնտեսական կոլապսը դառնում է իրողություն. hանրային կյանքի բոլոր ոլորտներում անկումը խորանում է՝ գրանցելով նոր հակառեկորդներ. Թադևոս Ավետիսյան

ՀՅԴ Բյուրոյի տնտեսական հետազոտությունների գրասենյակի ծրագրերի համակարգող Թադևոս Ավետիսյանը հոդված է գրել, որում անդրադառնում է տնտեսական որոշ ցուցանիշներին։ Հոդվածը ներկայացնում ենք ստորև․ Հանրային կյանքի բոլոր ոլորտներում համատարած անկումը խորանում է՝ գրանցելով նոր հակառեկորդներ: Հատկանշական որոշ փաստեր.

2021 թ. հունվարին 2020 թ. հունվարի համեմատ՝

Տնտեսական ակտիվության ցուցանիշը նվազել է 7,5 տոկոսով:
Արդյունաբերության ոլորտը կրճատվել է 11 տոկոսով:
Առևտրի շրջանառությունը կրճատվել է 15,1 տոկոսով:
Ծառայությունների ոլորտը կրճատվել է 10,3 տոկոսով:
Արտաքին առևտրաշրջանառությունը կրճատվել է 17 տոկոսով:
Արտահանումը կրճատվել է 11,3 տոկոսով:
Ներմուծումը կրճատվել է 20 տոկոսով:
ՀՀ դրամն արժեզրկվել է շուրջ 10 տոկոսով: Գնաճի միջին ցուցանիշը կազմել է 4,5 տոկոս, իսկ առաջին անհրաժեշտության ապրանքների գները միջին աճը՝ 10-15 տոկոս: Միջին անվանական աշխատավարձը նվազել է 4 տոկոսով: Պետական հատվածի աշխատավարձը չի նվազել՝ պարգևատրումների հաշվին: Բնակչության իրական եկամուտները նվազել են՝ առնվազն 8,5 տոկոսով: Մինչև պատերազմը՝ 2020 թ. առաջին 9-ը ամիսներին. Զբաղվածություն և կայուն եկամուտ ունեցող անձանց թիվը կրճատվել է 47000-ով: Աշխատանքային ռեսուրսների թիվը կրճատվել է 5000-ով, այսինքն՝ զբաղվածությունը կորցրած անձանցից 5000-ն արդեն արտագաղթել են: Զբաղվածությունը կորցրած անձանցից 28000-ը դարձել են նպաստառու: Զբաղվածության պետական գործակալության կողմից հավաքագրվող թափուր աշխատատեղերի թիվը կրճատվել է 3 անգամ: Ամփոփում Տնտեսական հեղափոխություն , նպաստից դեպի աշխատանք ՝ իշխող խմբակի խոստումների փուչիկը վերջնականապես պայթեց: Երեք տարի անց ունեցանք տրված կեղծ խոստումների ճիշտ հակառակ իրական արձանագրումը: Իսկ վարչապետն առաջանցիկ տեմպերով կտրվում է իրականությունից՝ մտացածին ցուցանիշներ հաղորդելով, պոպուլիզմի անսահման գործադրմամբ :


Latest News
Hashtags:   

Տնտեսական

 | 

կոլապսը

 | 

դառնում

 | 

իրողություն

 | 

hանրային

 | 

կյանքի

 | 

բոլոր

 | 

ոլորտներում

 | 

անկումը

 | 

խորանում

 | 

գրանցելով

 | 

հակառեկորդներ

 | 

Թադևոս

 | 

Ավետիսյան

 | 

Sources