Monday 12 April 2021
Home      All news      Contact us      RSS      English
azatutyun - 1 month ago

Նախագահը խստորեն դատապարտում է սումգայիթյան ոճրագործությունը և հայերի հանդեպ ադրբեջանական ողջ քաղաքականությունը

Հայաստանի նախագահը խստորեն դատապարտում է սումգայիթյան ոճրագործությունը և հայերի հանդեպ իրականացվող էթնիկ զտման ադրբեջանական ողջ քաղաքականությունը, որ, ինչպես ինքն է նշում, տեղի է ունենում արդեն ժամանակակից քաղաքակրթության պայմաններում: «33 տարի առաջ այս օրերին Ադրբեջանում՝ Սումգայիթ քաղաքում իրականացվեցին արյունոտ գործողություններ տեղի հայ բնակիչների դեմ: Ադրբեջանի իշխանությունների կողմից ծրագրված և իրագործված զանգվածային ջարդերը, կոտորածն և բռնությունները, տեղահանումը և ունեզրկումը հանցագործություն էին հայերի նկատմամբ: Դա ադրբեջանական պատասխանն էր պատմական բնօրրանում ազատ ապրելու՝ Արցախի մեր հայրենակիցների կողմից մղվող խաղաղ պայքարին», - ասված է սումգայիթյան ողբերգության 33-րդ տարելիցի կապակցությամբ նախագահի ուղերձում: Արմեն Սարգսյանը շեշտում է «Սումգայիթի» անպատժվածությունը երկու տարի անց հանգեցրեց այլ ողբերգությունների, այս անգամ Բաքվում, ապա՝ Գանձակում, Մարաղայում: «Հայատյացության քաղաքականությունը դրսևորվեց նաև վերջին պատերազմում՝ մասնավորապես Արցախի բնակչության, հայ գերիների հանդեպ դրսևորված անմարդկային վերաբերմունքի, խոշտանգումների, սպանությունների ձևով: Արցախի դեմ սանձազերծված պատերազմի հետևանքով դեռևս անհայտ է մեր բազմաթիվ հայրենակիցների ճակատագիրը», - նշում է նախագահը:      


Latest News
Hashtags:   

Նախագահը

 | 

խստորեն

 | 

դատապարտում

 | 

սումգայիթյան

 | 

ոճրագործությունը

 | 

հայերի

 | 

հանդեպ

 | 

ադրբեջանական

 | 

քաղաքականությունը

 | 

Sources