Friday 16 April 2021
Home      All news      Contact us      RSS      English
tert.am - 2 month ago

Միայն Փաշինյանն ու Էրդողանն են սա որակում իբրև ռազմական հեղաշրջում, ստացվում է՝ այս իշխանությունն ամենաշատը ձեռնտու է թուրք-ադրբեջանական տանդեմին. Խոսրով Հարությունյան (տեսանյութ)

Ինչպե՞ս կարող է որևէ մեկն իրեն անվանել երկրի վարչապետ, երբ իր որոշումներով ամեն քայլափոխի նոր սպառնալիքներ է ավելացնում, ակնհայտորեն դավաճանում է իր երկրին․ արդյո՞ք որևէ մեկը, որը սեփական ժողովրդի առջև պատասխանատվության գիտակցում ունի, կարող էր մնալ այդ պաշտոնում: Արմնյուզ ՀԸ #ՕրաԽնդիր հաղորդման ժամանակ նման կարծիք է հայտնել ՀՀ նախկին վարչապետ, ՀՀ ԱԺ նախկին նախագահ Խոսրով Հարությունյանը: ԱՄՆ Պետքարտուղարությունը հստակորեն հայտարարեց, որ Գլխավոր շտաբի կոչի մեջ հեղաշրջման որևէ նշույլ չկա։ Փաշինյանն ասում է, թե բանակն իբր գերազանցել է իրեն վերապահված սահմանադրական լիազորությունները։ ԶՈւ սրբազան պարտքն է մեր անվտանգության ապահովումը, և եթե բանակի հրամանատարությունը հայտարարում է, որ այսօրվա իշխանությունը պետք է հրաժարական տա, արձանագրում է, որ անվտանգության առաջնային սպառնալիքն այս իշխանությունն է ,- ասել է նախկին վարչապետը: Ըստ Հարությունյանի՝ բանակը պարտավոր է իրացնել իր սահմանադրական պատասխանատվությունը՝ ապահովել մեր տարածքային ամբողջականությունն ու սահմանների անխախտելիությունը. Բանակի հայտարարությունը Սահմանադրության առջև իր պարտավորությունները կատարելու մասին է, իսկ մնացած զարգացումներն արդեն կարող են լինել քաղաքական։ ԳՇ-ն գործել է Սահմանադրությամբ իրեն տրված լիազորությունների շրջանակում։ Մեր պետականությունը խարսխված է այդ ինստիտուտի վրա, այսօր խոսքը բանակը փրկելու մասին է։ Հրապարակում հավաքված շատերն անկուսակցական են, նրանց մեկտեղել է պետականության գահավիժումը կասեցնելու գաղափարը, և առաջնային խնդիրը Նիկոլ Փաշինյանի հեռացումն է : Քաղաքական գործչի կարծիքով՝ ակնհայտ է, որ ծրագրված է Հայաստանը զրկել արտաքին սպառնալիքներին դիմագրավելու որևէ կարողությունից, այդ համատեքստում են նաև բանակի հասցեին հնչող սպառնալիքները. 26 տարում ԳՇ ընդամենը չորս պետ է փոխվել, վերջին երեք տարում՝ երեքը։ Սա նշանակում է կազմալուծել և կազմաքանդել բանակը։ ԳՇ-ի հայտարարության հիմնական իմաստն այն է, որ ռազմական դրության պայմաններում գործող իշխանությունը մեր անվտանգության գլխավոր սպառնալիքն է։ Բանակը հորդորում է նաև մյուս ուժային կառույցներին՝ հետևե՛ք մեր օրինակին, քանի որ մենք ուժ չենք կիրառելու : Խոսրով Հարությունյանի պնդմամբ՝ վարչապետն այլևս Հայաստանի և հայ ժողովրդի վաղվա օրվա հետ որևէ առնչություն չունի, նա ընդամենը ամեն գնով փորձում է երկարաձգել իր պաշտոնավարումը: Մեր ուժայիններն ուսադիր ստանալիս ասում են՝ Ծառայում եմ ՀՀ-ին , հետևաբար՝ բոլոր սպաները պետք է գիտակցեն իրենց անձնական պատասխանատվությունը մեր վաղվա օրվա և սեփական երեխաների առաջ։ Նիկոլ Փաշինյանն ու Էրդողանն են սա որակում իբրև ռազմական հեղաշրջում, պարզ է՝ ում է ձեռնտու այս իշխանությունը՝ միայն թուրք-ադրբեջանական տանդեմին։ Բոլորը պետք է միաբերան պահանջեն, որ նա հեռանա։ Համակարգից դուրս եկած սպաները կարող են բաց ճակատով քայլել քաղաքում, նրանց երեխաները կարող են ասել, որ իրենց հայրը երկրին ծառայություն է մատուցել ,- ամփոփել է Խոսրով Հարությունյանը: Դավիթ Սարգսյան


Latest News
Hashtags:   

Միայն

 | 

Փաշինյանն

 | 

Էրդողանն

 | 

որակում

 | 

ռազմական

 | 

հեղաշրջում

 | 

ստացվում

 | 

իշխանությունն

 | 

ամենաշատը

 | 

ձեռնտու

 | 

թուրք

 | 

ադրբեջանական

 | 

տանդեմին

 | 

Խոսրով

 | 

Հարությունյան

 | 

տեսանյութ

 | 

Sources