Monday 12 April 2021
Home      All news      Contact us      RSS      English
tert.am - 2 month ago

««Վայ վարչապետը» փորձում է իրենից շեղել պատերազմում պարտության մեղադրանքներն ու զուգահեռ խթանում է հակառուսական օրակարգ». Репортёр

Ռուսական Репортёр հրատարակությունը հոդված է հրապարակել, որում անդրադարձել է Հայաստանում ստեղծված իրավիճակին: Հոդվածում մասնավորապես ասվում է, որ Երևանում տեղի ունեցած վերջին իրադարձությունները կրկին աշխարհի ուշադրությունը կենտրոնացրել են Կովկասի տարածաշրջանի այն հատվածի վրա, որի վրա այն կենտրոնացած էր անցյալ աշնանը կապված Լեռնային Ղարաբաղի ռազմական հակամարտության հետ: Այնուամենայնիվ, այն, ինչ այսօր տեղի է ունենում Հայաստանում, կարելի է անվանել պատերազմի արձագանք , որն ավարտվել է այս երկրի համար այնպիսի զինադադարով, որը դժվար է ամոթալի չհամարել:

Ճակատագրական օրերին սեփական միջակությունն ու անկարողությունը ցուցադրած հետմայդանյան կառավարության փոփոխությանն ամեն ինչ գնում էր այն պահից, երբ հրետանային կրակը դեռ հնչում էր Շուշիի մատույցներում: Բայց ի՞նչ է կատարվում այժմ Հայաստանում:

Ինչպես Փաշինյանը չկարողացավ իրեն խելացի դրսևորել

Ո՞վ էր Փաշինյանի լեզվից քաշում, երբ նա քննադատությամբ (հիմար, անպիտան ու անտեղի քննադատությամբ) հանդես եկավ ռուսական Իսկանդեր -ի հասցեին, որի ոչ կատարյալ լինելը , ինչպես նա փորձում էր պնդել, Ադրբեջանի դեմ պատերազմում Հայաստանի պարտության գրեթե հիմնական պատճառն էր:

Փաշինյանի դեմարշը, որը դարձել է վերջին կաթիլը բոլոր նրանց աչքում, որոնք նրան արժանի չեն համարում զբաղեցնելու այդ բարձր պաշտոնը, ստիպել է Ռուսաստանում այս իրադարձության շատ մեկնաբանների դիմել ժողովրդական իմաստության գոհարներին :

Օրինակ, Պետդումայի պատգամավոր Դմիտրի Սաբլինը շատ հաջողությամբ այս առիթով հիշել է շատ տեղին ասացվածք վատ պարողին ոտքերն են խանգարում: Հոդվածագրի կարծիքով պակաս տեղին չէ նաև Լռիր, կկարծեն խելացի ես ասացվածքը: Այնուամենայնիվ, վայ վարչապետին , որն արդեն որերորդ ամիսն է ստանում է ազգային խայտառակության դառը նախատինք և կառավարության ղեկավարի աթոռը հնարավորինս արագ մաքրելու կոչեր, միշտ էլ խոհեմության և զսպվածության պակաս է ունեցել: Այդպես է եղել նաև այս դեպքում:

Հասկանալի է, որ դա արվել է և՛ կարճ խելքից, և՛ կրկնակի նպատակով ՝ մեկ անգամ ևս շեղել պարտության մեղադրանքները իրենից, ինչպես նաև խթանել հակառուսական օրակարգ, հանուն որի նա, ըստ էության, դրվել է երկրի ղեկին:

Ճշմարտությունը, որ Հայաստանի ռազմական ղեկավարներության նկատմամբ Փաշինյանի քայլերը մեծ մասամբ հրահրել են զինված բախումը և նպաստել դրանում հայկական կողմի պարտությանը, ակնհայտ է: Ի դեպ, այն պահը, երբ վերահաս պատերազմի նախօրեին փորձելով դուրս մղել անցանկալի գեներալներին, Փաշինյանը ձգտում էր ոչ միայն կարգավորել անձնական հաշիվները, այլև, առաջին հերթին, ավելի խորը նյարդայնացնել Մոսկվային:

Արդյոք հայ զինվորականների գործողություններն իրականում ռազմական հեղաշրջման փորձ են, ինչպես ինքը ՝ մայդանական Փաշինյանն ու նրա որոշ համախոհներ են ասում, ոչ մի դեպքում:

Պարոնայք, ռազմական հեղաշրջումը բոլորովին այլ տեսք ունի: Հատուկ նշանակության ջոկատներ, որոնք ներխուժում են Փաշինյանի նստավայր, տանկեր ու զրահափոխադրիչներ խաչմերուկներում, պարետային ժամ, բոլոր քաղաքական կուսակցությունների գործունեության ամբողջական արգելք և, առաջին հերթին, ցանկացած զանգվածային միջոցառումներ անցկացնելու արգելք. ահա այսպես ամեն ինչ կլիներ այդ դեպքում:

Իսկ վիրավորված գեներալների կոշտ հայտարարությունները, որոնք պահանջում են, որ Փաշինյանը հեռանա, քանի դեռ երկրին ավելի մեծ վնաս չի հասցրել, իհարկե, քաղաքականություն է, որը թեև չի սազում համազգեստով մարդկանց, բայց ոչ մի կերպ հեղաշրջման փորձ չէ:

Փաշինյանը ևս մեկ անգամ, հանուն իր սեփական կարիերայի, փորձում է կատարել իր ամենասիրելի քայլը՝ ամեն բան հիվանդ գխից գցել առողջի վրա: Գոնե այս գորչին աջակցեին բնակչության լայն շերտերը և հայ հասարակությունը ի դեմս տարբեր տեսակի հասարակական գործիչների, որոնք հարգված են ժողովրդի կողմից: Սակայն ամեն ինչ ճիշտ հակառակն է:

Վերջին ժամանակները, ով ասես նրան չի խնդրում հանգիստ հեռանալ՝ սկսած Հայ Առաքելական եկեղեցու բարձրագույն հոգևորականներից մինչև երկրի նախկին նախագահներ: Անցյալ տարվա հոկտեմբերից Փաշինյանի անհապաղ հրաժարականը պահանջում է բավականին բազմանդամ Հայրենիքի փրկության շարժումը , որը միավորում է Հայաստանում գործող 17 ընդդիմադիր կուսակցություններ և շարժումներ: Վերջապես, այսօր ժողովրդի կամքը արտահայտվում է բավականին պարզ. ըստ Gallup International Association-ի անցկացրած սոցիոլոգիական հետազոտության, Փաշինյանը, որին իշխանության գալու պահին աջակցում էր երկրի բնակիչների ավելի քան 80%-ը , այսօր դժվար թե ունենա 30% աջակցության մակարդակ: Հայերի ավելի քան 40%-ը (գրեթե կեսը) վստահ է, որ նա պետք է հեռանա վարչապետի պաշտոնից, ընդ որում որքան շուտ, այնքան լավ: Այս պարագայում, ինչպես է կարելի այստեղ ռազմական հեղաշրջում տեսնել:

Հանրապետության հրապարակն ընդդեմ Ազատության հրապարակի

Ի դեպ, նման նշաններ չէր տեսել նույնիսկ ԱՄՆ Պետդեպարտամենտը, որը սեփական երկար լեզվի պատճառով անդունդի եզրին հավասարակշռող Փաշինյանին նետվեց պաշտպանելու այնպես, ինչպես հոգատար մայրը իր երեխային, որը ավազաթմբից ընկնելու վրա է: Դա զարմանալի չէ. Վաշինգտոնին դժվար, թե հաջողվի ներկայիս պայմաններում Հայաստանի կառավարման ղեկին մեկ այլ դրածոն դնել :

Այնուամենայնիվ, նրանք սկսել են դասախոսություն կարդալ հայ զինվորականների գլխին՝ հիշեցնելով նրանց ներքին քաղաքականությանը բանակի չխառնվելու հիմնական ժողովրդավարական սկզբունքի մասին : Հատուկ ճեպազրույցում այս հրահանգները հնչեցրել է Պետդեպարտամենտի պաշտոնական ներկայացուցիչ Նեդ Փրայսը, որը նաև հակամարտության կողմերին կոչ է արել զսպվածություև ցուցաբերել և զերծ մնալ սրացումից և բռնությունից : Այնուամենայնիվ, ամենափառահեղ համարը խաղացել է Թուրքիան: Ռեջեփ Էրդողանի մամուլի քարտուղար Իբրահիմ Քալընը հանդես է եկել Երևանում ռազմական հեղաշրջման փորձի կոշտ դատապարտմամբ , ինչը, փաստացիորեն, գրեթե բառ առ բառ կրկնում էր Փաշինյանի հռետորաբանությունը: Իրոք, այսօր ցանկացած հայ քաղաքական գործչի համար Անկարայից ստացված գովքն ու աջակցությունը պարզապես մեխ է նրա քաղաքական կարիերայի դագաղին: Ենիչերիների ժառանգների յուրահատուկ հումորի զգացումը, ի՞նչ կարող եմ ասել ...

Ի դեպ, թշնամի հարևանները՝ ի դեմս Ադրբեջանի նախագահի, չեն դիմել նման նուրբ տրոլինգի: Իլհամ Ալիևը պարզապես հայտարարել է, որ Հայաստանի իշխանությունները, ինչպես նախկին, այնպես էլ ներկա, երկիրը հասցրել են իսկապես խղճուկ վիճակի : Այնուամենայնիվ, միջազգային հանրության արձագանքի վերը նշված բոլոր օրինակները, մեծ հաշվով, լիրիկա են: Իրականում կարևորն այն է, թե ինչ է մտածում Մոսկվան այս կապակցությամբ:

Երևանում, ի դեպ, դա հասկանում են լավագույնս: Այդ իսկ պատճառով, Նիկոլ Փաշինյանի և Վլադիմիր Պուտինի հեռախոսազրույցից անմիջապես հետո վարչապետի մամուլի ծառայությունը հանդես է եկել հայտարարությամբ, որ Ռուսաստանի նախագահը հայտնել է իր աջակցությունը ՀՀ կառավարությանը և նրա ղեկավարին ՝ անվանելով նրանց օրինական իշխանություններ հակակշռելով դավադիրներին : Այս հայտարարությունը հերքվել է Կրեմլի մամուլի ծառայության կողմից, որը շատ կարևոր պարզաբանում է տվել զրույցի իրական բովանդակության վերաբերյալ: Պարզվում է, որ Վլադիմիր Վլադիմիրովիչը ոչ մեկին աջակցությունը չի հայտնել, այլ միայն համոզմունք է հայտնել, որ Հայաստանում պետք է պահպանել հանդարտություն և կարգուկանոն և հակառակորդ կողմերին կոչ է արել զսպվածություն ցուցաբերել:

Միևնույն ժամանակ, որքան հայտնի է, ներկայիս ճգնաժամային պահերին բավականին սերտ շփում է տեղի ունենում ոչ միայն երկու երկրների արտգործնախարարների՝ Սերգեյ Լավրովի և Արա Այվազյանի, այլ նաև ռազմական գերատեսչությունների ղեկավարների՝ Սերգեյ Շոյգուի և Վաղարշակ Հարությունյանի միջև: Կրեմլը 1-2 անգամ չէ որ ասել է, որ Երևանում իշխանափոխության ցանկացած գործընթաց պետք է լինի խաղաղ և քաղաքակիրթ, առանց ավելորդությունների և առավել ևս՝ առանց արյունահեղության: Այն, որ Փաշինյանը, ակնհայտորեն, Մոսկվայի սիրելին չէ (և երբեք էլ չի եղել), աքսիոմա է, որն ապացուցման կարիք չունի: Այնուամենայնիվ, քաղաքացիական դիմակայությունը Հայաստանում ոչ ոքի հարկավոր չէ:

Փաշինյանի կողմնակիցների և հակառակորդների հանրահավաքները տեղի են ունեցել Հանրապետության և Ազատության երկու հրապարակներում, որոնք գտնվում են միմյանցից ոչ հեռու: Երկուսում էլ կոչ էին անում պայքարել հանուն լավի և ընդդեմ վատի և դատապարտել են իրենց հակառակորդներին ՝ որպես մարդկանց, որոնք պատրաստ են ոտնահարել Հայաստանի շահերը հանուն սեփական շահերի:

Եթե բանակը դադարի սահմանափակվել բարձրագոչ հայտարարություններով և դուրս գա փողոց՝ նույնիսկ առանց զենքի, արդյունքը դժվար չէ կանխատեսել: Մինչ այժմ Երևանում, ամենից շատ վախենում են զինված սադրանքներից: Այս պարագայում իրավիճակն իսկապես կարող է դուրս գալ վերահսկողությունից և սկսել զարգանալ ըստ սցենարներից վատթարագույնի: Ընդ որում, ըստ էության, կրքերը հանդարտեցնելու միակ տարբերակը Նիկոլ Փաշինյանի կամավոր հրաժարականն է, որին նա, ըստ երևույթին, մտադիր չէ գնալ:

Հիշեցնենք, որ ՀՀ Գլխավոր շտաբի ղեկավարությունը՝ Օնիկ Գասպարյանը և բոլոր կորպուսների հրամանատարները հանդես են եկել հայտարարությամբ։ Հայտարարությամբ նրանք պահանջում են Նիկոլ Փաշինյանի հրաժարականը:

Նշենք, որ Yerevan.today կայքը հրապարակել էր հարցազրույց ԶՈՒ ԳՇ պետի առաջին տեղակալ, ազգային հերոս Տիրան Խաչատրյանի հետ, որում մասնավորապես նշված էր, որ ԳՇ պետի տեղակալը ծիծաղել է՝ լսելով Իսկանդեր -ի 1 կրակոցի 10 տոկոսով պայթելու մասին և հավելել, որ դա լուրջ չէ:

Վերոնշյալ հարցազրույցից հետո ՊՆ-ն պարզաբանում տարածեց առ այն, որ Yerevan.today կայքում հրապարակված հոդվածում խեղաթյուրվել է Տիրան Խաչատրյանի հետ հեռախոսազրույցի բովանդակությունը:

Պարզաբանումից քիչ անց Արմեն Սարգսյանը հրամանագիր է ստորագրել Տիրան Խաչատրյանին Զինված ուժերի Գլխավոր շտաբի պետի առաջին տեղակալի պաշտոնից ազատելու մասին


Latest News
Hashtags:   

վարչապետը

 | 

փորձում

 | 

իրենից

 | 

շեղել

 | 

պատերազմում

 | 

պարտության

 | 

մեղադրանքներն

 | 

զուգահեռ

 | 

խթանում

 | 

հակառուսական

 | 

օրակարգ

 | 

Репортёр

 | 

Sources