Sunday 28 February 2021
Home      All news      Contact us      RSS      English
tert.am - 5 days ago

Նրանք սպառնում են կրակել պետությունը վերականգնել փորձող մարդկանց վրա. դեռ հույս ունեմ, որ կրակելու իրենց հրահանգները կատարող չի լինի. Ավետիք Իշխանյան

Սրանք ունեն ուժային կառույցներով շրջապատված իշխանություն և նրանց սպառնալիքները իշխանական աթոռը պահելու համար են: Նրանց բացարձակ չի հետաքրքրում, թե Հայաստանն ում տիրապետության տակ կլինի, կարևորը՝ նրանք պահեն իրենց ողորմելի աթոռը: Արդեն փաստ է, որ իրենք ամեն ինչի պատրաստ են իրենց իշխանությունը պահելու համար: Այս մասին այսօր Tert.am-ի հետ զրույցում ասաց իրավապաշտպան Ավետիք Իշխանյանը՝ անդրադառնալով Իմ քայլը խմբակցության պատգամավոր Անդրանիկ Քոչարյանի հայտարարությունն առ այն, որ եթե քաղաքացիները որոշեն շենքեր գրավել, պետք է պատրաստ լինեն, որ կարող են նրանց վրա կրակել: Այդ անձն իրեն երևակայում է որպես պետության ներկայացուցիչ և խոսում պետության անունից: Միայն կարող եմ ասել, որ նա և վերջինիս կուսակիցները պետության անունից խոսելու իրավունք չունեն, որովհետև նրանց ջանքերի շնորհիվ մենք հիմա Հայաստանի պետականությունը կորցնելու եզրին ենք: Այսօր էլ ՀՀ-ն որպես պետություն գոյություն չունի, որովհետև Հայաստանի հարցերը լուծում են այլ երկրներ: Այս իշխանությունը չունի որևէ բարոյական սկզբունք, ազգային-պետական մտածողություն, որևէ խղճմտանք, որևէ զգացմունք այսքան զոհերի նկատմամբ: Բացի իրենց ստամոքսից իրենց ոչինչ չի հետաքրքրում, և բնական է, որ դա պահելու համար կգնան անգամ ամենաստոր քայլերին ու ինչպես ասում են՝ կկրակեն ,-ասաց նա: Իրավապաշտպանի խոսքով՝ սա է իրականությունը. իշխանությունը հողորտում է բոլոր այն ուժերի վրա, որոնք իրենց դեմ են և փորձում են պետությունը փրկել: Նրանք սպառնում են կրակել պետությունը վերականգնել փորձող մարդկանց վրա: Կկարողանան կրակել, թե ոչ, չգիտեմ, բայց ես դեռ հույս ունեմ, որ կրակելու իրենց հրահանգները կատարող չի, սա նաև պայմանավորված է մեր ժողովրդից, որ այլևս չհանդուրժեն հակապետական հայտարարությունները : Հարցին, թե արդյոք այս իշխանությունը կգնա այդ քայլին, Իշխանյանը ընդգծեց՝ փորձը ցույց է տվել, որ այս իշխանությունը որևէ բարոյական սկզբունք, չափանիշ, կարմիր գիծ չունի. Արդյոք այդ կարմիր գիծն էլ կանցնեն՝ կրակելու հրահանգ տալով, կապրենք, կտեսնենք : Դիտարկմանը, թե այս իշխանականները իշխանության եկան հեղափոխությամբ, որի ընթացքում ականատես եղանք արագաչափերի փակման, դռների կոտրման, շենքերի գրավման, սակայն նախկին իշխանության կողմից նման հայտարարություններ և սպառնալիքներ չհնչեցին, իրավապաշտպանը արձագանքեց, որ անգամ այդ դեպքում չպետք է սպառնալիքներ հնչեին, քանի որ պետք է գործել միայն օրենքով, եթե Ռադիոտուն են գրավում, պետք է պատասխանատվության ենթարկել: Նախկին իշխանությունները չէին սպառնում, բայց այս իշխանության շուրթերից միշտ դուրս է գալիս ատելության խոսք ու սպառնալիքներ: Սա է տարբերությունը: Այսօր ընդհանրապես օրենք չկա, բայց նաև իրավական հանրությունը համեստորեն կատարում է բռնապետ վարչապետի ցուցումները, այն էլ ամենախայտառակ ձևով: Նա ԱԱԾ-ին պարզապես հրահանգ է տալիս ձերբակալել, գործ հարուցել, կալանավորել և սրա արդյունքում երևում է, որ ՀՀ-ում մեկ անձի կամք է գործում, ողջ պետական կառույցները վարափոխվել են իշխանականի և վերջիններս գումարի, ծրարների, պարգևավճարների դիմաց պատրաստ են կոպտագույն, հակաիրավական քայլերի գնալ ,-նշեց Իշխանյանը: Հարցին, թե ի վերջո ո՞ւր մնաց թավշյա, լեգիտիմ, ժողովրդասեր իշխանությունը, Իշխանյանը պատասխանց՝ առաջինն այդ թավշյա բառից պետք է վախենալ, քանի որ պատմությունը ցույց է տվել, որ այդ բառով առաջնորդվողներն ավելի բռնարար էին: Ամեն դեպքում, այս իշխանության առաջին օրվանից թավիշ ընդհանրապես չի եղել, եթե հիշենք դատարանների շրջափակումը, ասֆալտին փռելու հրահանգներն ու դրանց կատարումները: Այս մարդն ինչպես ղեկավարել է իր թերթը՝ մարդկանց վրա գոռալով, ստրուկներ համարելով, այդպես էլ ղեկավարում է երկիրը: Սա է մեր իրականությունը : Իսկ ապագայում վարչապետի հրաժարականը հավանական լինելու մասին Իշխանյանը նշեց, որ Փաշինյան ամեն ինչ անելու է, որ այդ պահը չգա, բայց ըստ նրա՝ մարդիկ որոշում են, Աստված կատարում է:


Latest News
Hashtags:   

Նրանք

 | 

սպառնում

 | 

կրակել

 | 

պետությունը

 | 

վերականգնել

 | 

փորձող

 | 

մարդկանց

 | 

հույս

 | 

ունեմ

 | 

կրակելու

 | 

իրենց

 | 

հրահանգները

 | 

կատարող

 | 

Ավետիք

 | 

Իշխանյան

 | 

Sources