Sunday 28 February 2021
Home      All news      Contact us      RSS      English
tert.am - 5 days ago

Գերմանիայում օդի ջերմաստիճանը մեկ շաբաթում բարձրացել է ավելի քան 40 աստիճանով՝ գերազանցելով 1880-ի ռեկորդը  

Գերմանիայում վերջին մեկ շաբաթում օդի ջերմաստիճանի ռեկորդային աճ է գրանցվել. երկրի մի շարք շրջաններում ջերմաստիճանային տատանումները կազմել են ավելի քան 40 աստիճան: Այս մասին տեղեկացնում է ТАСС գործակալությունը՝ հղում անելով Գերմանիայի օդերևութաբանական ծառայությանը:

Փորձագետները նշել են, որ Ներքին Սաքսոնիա դաշնային հողի Գյոթինգեն քաղաքում փետրվարի 14-ին օդի ջերմաստիճանը հասել էր 23,8 աստիճան ցրտի՝ ըստ Ցելսիուսի, իսկ փետրվարի 21-ին գրանցվել է 18,1 աստիճան տաքություն:

Այսինքն՝ մեկ շաբաթում նկատվել է 41,9 աստիճանի տարբերություն, որը ռեկորդային ցուցանիշ է: Նախորդ նման ռեկորդային ցուցանիշը գրանցվել էր 1880 թվականի մայիսին, երբ 7 օրվա ընթացքում ջերմաստիճանը բարձրացել էր 41 աստիճանով:

Բեռլինում օդի ջերմաստիճանը երեքշաբթի բարձրացել է մինչև 18 աստիճան տաքության՝ ըստ Ցելսիուսի: Մինչդեռ մեկ շաբաթ առաջ գերմանական մայրաքաղաքում ձյուն էր դրած:





Latest News
Hashtags:   

Գերմանիայում

 | 

ջերմաստիճանը

 | 

շաբաթում

 | 

բարձրացել

 | 

ավելի

 | 

աստիճանով՝

 | 

գերազանցելով

 | 

ռեկորդը

 | 

Sources