Sunday 28 February 2021
Home      All news      Contact us      RSS      English
tert.am - 5 days ago

Ճակատագրի հեգնանք է՝ Արամ Մանուկյանի արձանի հետևի շենքում այսօր ոստիկանները պաշտպանում են հայրենիքը հանձնած անձին. Ավետիք Իշխանյան (տեսանյութ)

Այսօր շատ խորհրդանշական երթ եղավ՝ հրապարակի մոտ գտնվող Արամ Մանուկյանի արձանից մենք քայլեցինք նորից Ոստիկանության դիմաց գտնվող Արամ Մանուկյանի կիսանդրու մոտ։ Եթե այսօր գոյություն ունի Հայաստան, ապա մենք պարտական ենք այդ մարդուն, Հայրենիքի փրկության շարժման մասնակիցների հետ գտնվելով Ոստիկանության շենքի դիմաց դիմելով հանրահավաքի մասնակիցներին ասաց իրավապաշտպան Ավետիք Իշխանյանը։

Խոսելով Արամ Մանուկյանի մասին՝ նա նշեց, որ երբ Հայաստանում 1918 թվականին անհույս վիճակ էր և լինել-չլինելու հարց էր դրված, Արամ Մանուկյանը կազմակերպեց Սարդարապատի ճակատամարտը, նա հայոց պետականության հիմնադիրն էր, հետագայում նշանակվեց ներքին գործերի նախարար։

Ի վերջո, Ներքին գործերի նախարարությունը և նրա ժառանգորդ ոստիկանությունը պետք է լինեին Արամ Մանուկյանի գաղափարների կրողը, իսկ ո՞րն է Արամ Մանուկյանի գաղափարը՝ պետություն, պետական մտածողություն և պետության պաշտպանություն: Ճակատագրի հեգնանքն է՝ այսօր Արամ Մանուկյանի արձանի հետևի շենքում այդ նույն ոստիկանները պաշտպանում են հայրենիքը հանձնած անձին: Հանեք այդ արձանն այդտեղից, եթե շարունակելու եք հայրենիքը թշնամուն նվիրած անձին պաշտպանել, Արամ Մանուկյանը կարմրում է, որ ինքը հայրենիքը է ստեղծել, իսկ իր հետնորդները հայրենիքը հանձնողին պաշտպանում են, ամոթ , ասաց իրավապաշտպանը:


Latest News
Hashtags:   

Ճակատագրի

 | 

հեգնանք

 | 

Մանուկյանի

 | 

արձանի

 | 

հետևի

 | 

շենքում

 | 

այսօր

 | 

ոստիկանները

 | 

պաշտպանում

 | 

հայրենիքը

 | 

հանձնած

 | 

անձին

 | 

Ավետիք

 | 

Իշխանյան

 | 

տեսանյութ

 | 

Sources