Thursday 6 August 2020
Home      All news      Contact us      English
tert.am - 28 days ago

Այն հանգամանքը, որ ՄԻԵԴ-ը հանձն է առել սեղմ ժամկետում քննել ՍԴ դատավորների գործը, թույլ է տալիս եզրակացնելու, որ նկատվել են կոնվենցիոնալ իրավունքների խախտման միտումներ. Ռոբերտ Հայրապետյան 

Ի տարբերություն այս երկու տարիների ընթացքում ՄԻԵԴ-ից ստացված փաստաթղթերի՝ այս փաստաթուղթը շատ կարճ է՝ մեկուկես էջ: Այդ հաղորդագրության մեջ փորձել գտնել ինչ-որ հակասող բաներ, թույլ է տալիս ենթադրելու, որ իշխանությունը կոնկրետ քաղաքական նպատակ է հետապնդում. Tert.am-ի հետ զրույցում նշեց իրավաբան Ռոբերտ Հայրապետյանը: Անդրադառնալով ՄԻԵԴ-ի որոշմանը՝ նա մանրամասնեց, որ ՍԴ գործող նախագահը և մյուս դատավորները դիմել են ՄԻԵԴ իրենց խախտված իրավունքները պաշտպանելու համար, որի շրջանակում ներկայացրել են նաև միջանկյալ միջոց կիրառելու միջնորդություն, ինչը ենթադրում է, որ ՄԻԵԴ-ը կարող էր կիրառել մջանկյալ միջոց և ապահովվեր հետագայում իր վճռի կայացումը: Այս պարագայում ՄԻԵԴ-ը մերժել է միջանկյալ միջոց կիրառելու դիմումատուների խնդրանքը, բայց հստակ նշել է, որ խախտված իրավուքնները քննվելու են: Իշխանության կողմից շրջանառության թեմա է դարձել նաև այն, որ իբր Հրայր Թովմասյանը և մյուս դատավորները դիմել էին ՄԻԵԴ՝ պահանջելով կասեցնել Հայաստանում իրականացվող ՍԴ փոփոխությունների հետագա ընթացքը, որն իրականությանը չի համապատասխանում, քանի որ ՄԻԵԴ-ը նման միջնորդություն քննելու իրավասություն չունի: Իշխանության ներկայացուցիչներն, այդ կերպ, ցանկացել են ապատեղեկատվություն տարածել, քանի որ շատ պարզ է, որ ՄԻԵԴ-ի միջանկյալ միջոց կիրառելու նպատակը հետապնդվում էր բացառապես խախտված իրավունքների շարունականությունը կանխելու միտում ,- նշեց նա: Ըստ Հայրապետյանի՝ միջանկյալ միջոցի կիրառելու մերժման վերաբերյալ որոշման մեկ տող ևս շահարկվում է, այն է, որ ՄԻԵԴ-ը ասել է՝ կարող եք դիմել հիմնական դիմումներով և ձեր դիմումները կքննվեն, բայց իրականում հստակ գրված է, որ հիմնական դիմումները գտնվում են քննության փուլում և ՄԻԵԴ-ը մինչև օգոստոս տալիս է հավելյալ ժամկետ, որ կողմերը կարողանան ներկայացնել իրենց կողմից առաջ բերված փաստարկների հավելյալ հիմնավորումներ. Այն հանգամանքը, որ ՄԻԵԴ-ը սեղմ ժամկետներում հանձն է առել քննել գործը, թույլ է տալիս ենթադրելու, որ դատարանի կողմից արդեն նկատվել են միտումներ, կոնվենցիոնալ իրավունքների խախտման մասով ,- նկատեց նա: Հայրապետյանն ընդգծեց, որ ՄԻԵԴ-ն ունի նախադեպային պրատիկա, երբ ՍԴ-ի մասով, որտեղ ոչ միայն արձանագրել է իրավունքների խախտում, այլև պարտավորեցրել է պետությանը ՍԴ անդամին վերականգնել իր պաշտոնում: Սակայն, ի՞նչ որոշում կկայացնի այս դեպքում և ինչ գործողություն կենթադրի, կանխատեսում անել չի կարող: Ըստ նրա՝ հնարավոր է, ոչ բոլորի մասով լինի պաշտոնի վերականգնում, սակայն պաշտոնի վերականգման ինստիտուտի կիրառելիությունը ՄԻԵԴ-ի կողմից հստակ կանխատեսելի է. Պետք է սպասել ՄԻԵԴ-ի վերջնական պատասխանին, որից հետո պարզ կլինի պետության պարտավորությունը, դատավորների խախտված իրավունքների վերականգման գործում, ո՞րն է լինելու՝ կվերկանգնե՞ն նրանց պաշտոնի, քանի՞ իրավունքի խախտում կարձանագրվի և այդ խախտումները վերացնելու համար Հայաստանի վրա ի՞նչ պարտավորություն կդրվի : Հարցին, թե ինչպե՞ս կմեկնաբանի այն հանգամանքը, որ ՀՀ նախագահը դեռ չի ստորագրել Սահմանադրության օրենքի փոփոխությունը, իրավաբանը նշեց, որ հնարավոր է, նախագահը, իմանալով, որ կա սահմանադրականության խնդիր, չի ուզում հետագայում մեղադրվել հանցակցության մեջ. Եթե նա գիտակցում է, որ օրենքը ունի սահմանադրականության խնդիր, և հայտարարում է, որ չի ստորագրելու և դրան զուգահեռ չի իրացնում իր սահմանադրական պարտավորությունը՝ դիմելու Սահմանադրական դատարան, սա ևս մի հիմք է արձանագրելու այն փաստը, որ Արմեն Սարգսյանը անգործությամբ հանցակցում է իշխանությունների հակաիրավական վարքագծին ,- հավելեց Ռոբերտ Հայրապետյանը:


Latest News
Hashtags:   

հանգամանքը

 | 

հանձն

 | 

ժամկետում

 | 

քննել

 | 

դատավորների

 | 

գործը

 | 

թույլ

 | 

տալիս

 | 

եզրակացնելու

 | 

նկատվել

 | 

կոնվենցիոնալ

 | 

իրավունքների

 | 

խախտման

 | 

միտումներ

 | 

Ռոբերտ

 | 

Հայրապետյան 

 | 
Most Popular (6 hours)

Most Popular (24 hours)

Most Popular (a week)

Sources