Monday 6 July 2020
Home      All news      Contact us      English
tert.am - 1 month ago

Մեզ մեղադրում են, որ շարունակում ենք աշխատել նախահեղափոխական շրջանի համայնքապետերի հետ, բայց նրանց ընտրել է ժողովուրդը․ Սուրեն Պապիկյան

Պառլամենտարիզմի տեսանկյունից կարևոր է, որ մենք համայնքներում կարողանում ենք ձևավորել տարբեր քաղաքական ուժերի նկատմամբ հարգանքը, որովհետև խնդրահարույց է, երբ տարբեր փոքր համայնքներում զուտ ազգակցական կապերով են առաջնորդվում: Այս մասին Ազգային ժողովում Ընտրական օրենսգրքում և կից ներկայացված փաթեթում փոփոխություններ և լրացումներ կատարելու մասին հարցի քննարկման ժամանակ ասաց Իմ քայլը խմբակցության պատգամավոր Նազելի Բաղդասարյանը: Հարցի հիմնական զեկուցող տարածքային կառավարման և ենթակառուցվածքների նախարար Սուրեն Պապիկյանը նշեց, որ նախագիծը նրա համար է, որ կարողանան հանրության միջից դուրս հանել, կոտրել այն մտածողությունը, որը հենված է ազգակցական, հաճախ նաև կրիմինալ կապերի վրա:

Սա պետք է չլինի: Մենք մեր հասարակության քաղաքացիական գիտակցության ջատագովն ենք: ՏԻՄ-երում այս ընտրակարգը ներդնելով՝ մենք պետք է նպաստենք, որ տեղերում ժողովրդավարությունը վերադառնա և հաղթանակի ,- ասաց Պապիկյանը:

Նախարարի խոսքով՝ հետհեղափոխական շրջանում ունենք ժողովրդավարական մեթոդներով ընտրված իշխանություն, Ազգային ժողով, նրա արդյունքում ձևավորված կառավարություն, բայց շատ համայնքներում շարունակում են պաշտոնավարել նախահեղափոխական շրջանում ընտրված համայնքապետեր: Ես որևէ համայնքապետի հետ երբևէ, առավել ևս նրանց ընտրված ժամկետի հետ, որևէ խնդիր չեմ ունեցել: Բայց մի բան հստակ է՝ հասարակության տարբեր շերտեր, նաև քաղաքական տարբեր կուսակցություններ մեզ մեղադրում են, որ մենք հարմարվողականություն ենք դրսևորել և շարունակում ենք աշխատել այդ համայնքապետերի հետ: Այդ համայնքապետերին ընտրել է ժողովուրդը, բայց մենք հիմա հնարավորություն ենք ընձեռելու, որ ՀՀ քաղաքացին իր համայնքում հաստատի իր իշխանությունն ամբողջությամբ, ինքը որոշի՝ ով է լինելու իր համայնքի ղեկավարը: Կարող են այդ համայնքի ղեկավարները լինել նախկինում ընտրված համայնքի ղեկավարները, դա կախված է տվյալ մարդկանց անցած ճանապարհից: Այս կարգավորումը շտկում է մտցնելու բոլոր խնդիրների մեջ և այս թեման մեկընդմիշտ փակելու է ,- ընդգծեց նա:


Latest News
Hashtags:   

մեղադրում

 | 

շարունակում

 | 

աշխատել

 | 

նախահեղափոխական

 | 

շրջանի

 | 

համայնքապետերի

 | 

նրանց

 | 

ընտրել

 | 

ժողովուրդը․

 | 

Սուրեն

 | 

Պապիկյան

 | 
Most Popular (6 hours)

Most Popular (24 hours)

Most Popular (a week)

Sources