Friday 10 July 2020
Home      All news      Contact us      English
tert.am - 2 month ago

ԱԺ նիստերի դահլիճ մեր վերադառնալը՝ որևէ կերպ «Լուսավոր Հայաստանին» չի կապել Ձեր դիրքորոշման հետ. Գևորգ Գորգիսյանը՝ Արարատ Միրզոյանին (տեսանյութ)

Հարգելի՛ պարոն Միրզոյան, Լուսավոր Հայաստանը երբեք իր՝ դահլիճ վերադառնալը որևէ կերպ չի կապել ձեր դիրքորոշման հետ, և առավել ևս՝ Նիկոլ Փաշինյանի ելույթից հետո, հույս չի ունեցել, որ որևէ տարբերվող կարծիք ձեր խմբակցությունից կամ ձեր քաղաքական ուժից կարող է հնչել, սա ֆիքսենք: Այս մասին Աժ նիստին հայտարարեց Լուսավոր Հայաստան խմբակցության քարտուղար Գևորգ Գորգիսյանը՝ անդրադառնալով ԱԺ նախագահ Արարատ Միրզոյանի այն հայտարարությանը, որ եթե ԼՀԿ-ն վերադարձել է նիստերի դահլիճ, ապա գտնում է, որ քաղաքական գնահատական է տրվել ԱԺ միջադեպին: Մենք հայտարարել ենք, որ կանենք հետևություններ և հետագա մեր գործունեությունը կպայամնավորենք նաև Ձեր՝ այդ օրերին արած կամ չարած գործողություններով ,- ասաց նա: Հիշեցնենք, որ Արարատ Միզրոյանը հայտարարել էր. Ես ուզում եմ ողջունել Լուսավոր Հայաստանի որոշումը՝ վերադառնալ և մասնակցել նիստերին: Ես հիշեցի, և մամուլից էլ ինձ մոտ տպավորություն էր ստեղծվել, որ մեր հարգելի գործընկեները հայտարարել էին՝ որ խորհրդարան կվերադառնան այն դեպքում, երբ կհնչի տեղի ունեցածի դատապարտում և կլինի քաղաքական գնահատական: Այժմ այսօր՝ տեսնելով մեր գործընկերներին նիստերի դահլիճում՝ կարող եմ ենթադրել, որ այդ գնահատականը հնչել է և բավարարել է Լուսավոր Հայաստանին : Այո՛, տեղի ունեցածը դատապարտվել է, դատապարտվել է վարչապետի կողմից, ֆրակցիայի բազմաթից գործընկերների կողմից : Ինչ վերաբերում է կորոնավիրուսի դեմ պայքարին՝ Գորգիսյանը նշեց, որ դա շատ կարևոր է, և գիտակցելով այդ կարևորությունը՝ այն ամբողջ ընթացքում, երբ կառավարությունը և ՀՀ աշխատանքի ու սոցիալական հարցերի նախարարությունը չէր կարողանում սպասրկել քաղաքաիցների զանգերը, ԼՀԿ-ն իր կամավորների շնորհիվ իրենց գրասենյակում բացել է նման մի շտաբ, որն էլ իր վրա էր վերցել կառավարության բեռի մի մասը՝ ուղղորդելով քաղաքացիներին: Ըստ նրա՝ սրանից լավ օրինակ կարծես թե չկա, թե ինչպես են իրենք վերաբերվում այն խնդիրներն, որոնք վերաբերում են քաղաքացուն Իսկ, երբ խոսում ենք իրավունքի գերակայության մասին, պարոն Միրզոյան, խոսքը չի գնում դիմակ կրել-չկրելու մասին, խոսքը գնում է օրենքը ճիշտ կիրառելու մասին: Ինչպես չի կարելի, օրինակ՝ քաղաքացուն փողոցում չնախատեսված որևէ պատժի ենթարկել, և որի համար Դուք բերեցիք այստեղ օրենքներում համապատասխան փոփոխություններ արեցիք, որ կարողանանք 100 հազար, 10 հազրար դրամ տուգանել ու նման մոտեցումներով քաղաքացիներին պահել տանը, այնպես էլ մենք պահանջում ենք, որ ամեն ինչ օրենքի սահմաններում լինի: Իսկ այն հարցին, որ արդեն հասել ենք այնտեղ, որ ծայրահեղ միջոցների ենք ստիպված գնալ, գալիս է մի բանից՝ կառավարությունն առաջին իսկ օրվանից լուրջ չէր վերաբերվում սրան ,- ասաց նա: Գորգիսյանը հիշեցրեց, որ առողջապահության նախարարն ասում էր՝ մի կրեք դիմակ, հիմա ասում եք՝ ապացուցված է՝ դիմակը կանխարգելում է. Սակայն դիմակի տուփի վրա գրված է՝ զգուշացում, չի պաշտպանում COVID-19-ից: Կարելի է բազմաթիվ անտարամաբանական մտքեր հնչեցնել այս ամբիոնից, բայց եկեք չգնանք այդ քայլին ,- ասաց նա:


Latest News
Hashtags:   

նիստերի

 | 

դահլիճ

 | 

վերադառնալը՝

 | 

Լուսավոր

 | 

Հայաստանին

 | 

կապել

 | 

դիրքորոշման

 | 

Գևորգ

 | 

Գորգիսյանը՝

 | 

Արարատ

 | 

Միրզոյանին

 | 

տեսանյութ

 | 
Most Popular (6 hours)

Most Popular (24 hours)

Most Popular (a week)

Sources