Friday 10 July 2020
Home      All news      Contact us      English
tert.am - 2 month ago

Մենք գնացել ենք մեծ մոնոպոլիզացիայի, Կառավարությունն «ունքը սարքելու փոխարեն՝ աչքն էլ հանեց», իսկ քաղաքապետարանը պետք է առարկի. Դավիթ Խաժակյանը՝ շինաշխատանքների համար բանկային երաշխիք պահանջելու մասին

Մենք գնացել ենք ավելի մեծ մոնոպոլիզացիայի, քան եղել է նախկինում, որովհետև շինարարներից, տեխհսկողություն իրականացնողներից պահանջում ենք այնպիսի ծավալի բանկային երաշխիք, որը կարող են ապահովել գլխավորապես խոշոր կազմակերպությունները: Այս մասին Երևանի ավագանու նիստին հայտարարեց Լույս խմբակցության ղեկավար Դավիթ Խաժակյանը՝ անդրադառնալով քաղաքապետարանի կողմից իրականացվող մրցույթների գործընթացին: Այս ընթացքում բազմաթիվ շինարարություններ կանգնած են այն պատճառով, որ տեխհսկողություն չի իրականացվում: Ամեն անգամ, երբ այս ամբիոնից քննարկում ենք, թե ինչ խնդիրներ կան շինարարությունների հետ կապված, հնչում են ելույթներ, թե ամեն ինչ հասցրել են, բայց գնումների օրենքն այնքան վատն է, որ ընթացքը նորմալ չի լինում: Բայց, փաստորեն, Կառավարությունը ունքը սարքելու փոխարեն՝ աչքն էլ հանեց , և հիմա տեխնիկական հսկողություն իրականացնողներից, շինարարներից պահանջվում է շատ մեծ ծավալի բանկային երաշխիք, արդյունքում գնումները կանգնում են, շինարարությունը կանգնում է, որովհետև չեն ներկայացվում համապատասխան երաշխիքները ,-հայտարարեց Խաժակյանը: Նրա խոսքով՝ վերջին մեկուկես տարվա ընթացքում անընդհատ ասվել է, որ քաղաքապետարանը պատրաստվում է առաջարկություններ ներկայացնել Կառավարությանը, ԱԺ-ին, որպեսզի այս օրենքը համապատասխանեցվի, բարեփոխվի: Ես ուզում եմ հասկանալ՝ եթե սա ձեր պատկերացրած բարեփոխումն էր, կամ եթե ձեր պատկերացրածը չէր, բայց քաղաքապետարանը չի առարկել այս փոփոխություններին, ինչպես ենք մենք այս իրավիճակը պատկերացնում, երբ մասնակցում են մրցույթներին, այդ թվում՝ լինում է մեկ մասնակից՝ կեղծ բանկային երաշխիքով: Կարծում եմ՝ աա առաջին հերթին, պարոն քաղաքապետ, Ձեզ պետք է մտահոգեր այն ժամանկ, երբ Կառավարությունն այդ որոշումն ընդունում էր, որովհետև հայեցողության դաշտը շատ մեծ է ,-ասաց Խաժակյանը՝ նշելով, թե դա խնդրահարույց որշում է, որը քաղաքապետարանը պետք է վերանայի:


Latest News
Hashtags:   

գնացել

 | 

մոնոպոլիզացիայի

 | 

Կառավարությունն

 | 

ունքը

 | 

սարքելու

 | 

փոխարեն՝

 | 

հանեց

 | 

քաղաքապետարանը

 | 

առարկի

 | 

Դավիթ

 | 

Խաժակյանը՝

 | 

շինաշխատանքների

 | 

համար

 | 

բանկային

 | 

երաշխիք

 | 

պահանջելու

 | 

մասին

 | 
Most Popular (6 hours)

Most Popular (24 hours)

Most Popular (a week)

Sources