Monday 30 March 2020
Home      All news      Contact us      English
tert.am - 4 days ago

Սա պատմական հնարավորություն է գուղատնտեսության ոլորտի որակական փոփոխությունների համար. վարչապետը՝ կորոնավիրուսի տնտեսական հետևանքների չեզոքացման միջոցառման մասին

Կառավարությունը հաստատեց կորոնավիրուսի տնտեսական հետևանքների չեզոքացման երկրորդ միջոցառումը։ Նախագիծը ներկայացնող էկոնոմիկայի նախարար Տիգրան Խաչատրյանը նշեց, որ նախագծի ընդունումը հնարավորություն կտա տնտեսվարողների համար ժամանակ շահել՝ պահանջարկի փոփոխվող պայմաններին արձագանքելու նպատակով, և ըստ այդմ գործունեությունը շարունակելու կամ վերադասավորվելու ու փոփոխված տնտեսական իրավիճակին հարմարվելու, ինչպես նաև զարգացման ռազմավարությունները ճշտգրտելու որոշումների կայացման համար։ Այսպիսով Միջոցառման նպատակն է օժանդակել կորոնավիրուսի հետևանքով ՀՀ գյուղատնտեսության ոլորտում գործունեություն ծավալող առանձին տնտեսավարողների (այսուհետ՝ տնտեսավարողներ) մոտ կանխատեսվող ընթացիկ իրացվելիության հետ կապված ռիսկերի մեղմմանը: Կորոնավիրուսի տարածման տնտեսական հետևանքների չեզոքացման միջոցառումների փաթեթների շրջանակներում բացառել տրամադրվող օժանդակության շահառուների համընկման դեպքերը։ Օժանդակության նպատակն է տնտեսավարողների համար ժամանակ շահելու հնարավորություն ստեղծել՝ պահանջարկի փոփոխվող պայմաններին արձագանքելու և ըստ այդմ գործունեությունը շարունակելու կամ վերադասավորվելու ու փոփոխված տնտեսական իրավիճակին հարմարվելու և զարգացման ռազմավարությունները ճշգրտելու որոշումների կայացման համար։ Պարզաբանելով ծրագիրը՝ վարչապետ Նիկոլ Փաշինյանը նշեց, որ սա ամենացայտուն դեպքն է, երբ ճգնաժամը դիտարկում են որպես հնարավորություն: Դա ուզում ենք օգտագործել իրականացնելու համար մի ծրագիր, որը նախորդ շրջանում գուցե նաև չէինք համարձակվում այդպիսի կտրուկ գործողությունների գնալ: Խոսքը ընդհանուր առմամբ մեր գյուղատնտեսության կազմակերպման որակը և մակարդակը փոխելու մասին է և փորձ ենք անում քաջալերել գյուղացիների համախմբվել և ջանքերի մեկտեղման միջոցով՝ դա տեսնում ենք գյուղատնտեսական կոոպերատիվների զարգացմամբ: Այստեղ երկու շատ կարևոր մարտահրավեր ունենք, մենք եկանք եզրակացության, որ մտածենք որոշակի երաշխիքների մասին, որ այդ կոոպերատիվները կղեկավարվեն որակավորում ունեցող անձանց կողմից, բայց մենք չենք կարող սահմանափակել գյուղացիների կողմից ձևավովրած կոոպերատիվի նախագահ ընտրելու հանարվորությունը ,- ասաց նա: Վարչապետը նկատեց, որ մարդիկ տեղեկացվածություն խնդիրներ ունեն և հորդորեց այդ խնդիրը լուծել: Թող ճոռոմ չհնչի, բայց ես սա համարում եմ պատմական հնարավորություն, որ գուղատնտեսության ոլորտի որակական փոփոխություն տեղի ունենա Մենք պետք է մարդկանց հետ զրոյից քայլենք, բոլոր ազդակներից տեղյակ լինենք, որ իրենց հարցերին ժամանակին և որակով պատասխաններ ստանալու են ,- ասաց նա:

Related news

Latest News
Hashtags:   

պատմական

 | 

հնարավորություն

 | 

գուղատնտեսության

 | 

ոլորտի

 | 

որակական

 | 

փոփոխությունների

 | 

համար

 | 

վարչապետը՝

 | 

կորոնավիրուսի

 | 

տնտեսական

 | 

հետևանքների

 | 

չեզոքացման

 | 

միջոցառման

 | 

մասին

 | 
Most Popular (6 hours)

Most Popular (24 hours)

Most Popular (a week)

Sources