Monday 30 March 2020
Home      All news      Contact us      English
tert.am - 4 days ago

Կան ոլորտներ, որոնք արդեն իսկ ունեն շրջանառության կտրուկ անկում. Բաբկեն Թունյան

Կան որոշ ոլորտներ, որոնք արդեն իսկ ունեն շրջանառության կտրուկ անկում: Այս մասին լրագրողների հետ ճեպազրույցում ասաց ԱԺ տնտեսական հարցերի մշտական հանձնաժողովի նախագահ Բաբկեն Թունյանը:

Ամենաառաջինը պետք է նշել զբոսաշրջային, հանրային սննդի, հյուրանոցային գործի, տրանսպորտի ոլորտները: Սուպերմարկետներում մանրածախ առևտուրը մի պահ կտրուկ աճեց, քանի որ մարդիկ փորձում էին պաշար կուտակել, բայց հիմա նվազման միտում կա: Մի կողմից չվերթներ են հետաձգվել, մյուս կողմից ռեստորանները չեն աշխատում: Կարծում եմ՝ մարտ ամսվա տվյալներն ամփոփելիս այս ամենը կերևա , - մանրամասնեց պատգամավորը: Բաբկեն Թունյանի խոսքով՝ պետությունը նման իրավիճակում ձեռքերը ծալած չի նստում, մշակում է տարբեր միջոցառումներ: Ըստ նրա՝ եթե մեկ ամսից ՀՀ-ում առողջապահական վիճակը կարգավորի, տարին կփակվի նորմալ տնտեսական ցուցանիշներով: Նա ընդգծեց, որ վարկերից բացի՝ պետության կողմից նաև հասցեական օժանդակություն է տրվելու, այսինքն՝ անհատույց օգնություն: Բաբկեն Թունյանը հորդորեց ավանդների համար ևս չանհանգստալ։

Խուճապի մատնվելու առիթ չկա, բանկային համակարգն ամուր հողի վրա է: Այնպես որ, մարդիկ կարող են հանգիստ խղճով իրենց գումարը թողնել բանկային համակարգում ,-նկատեց պատգամավորը:

Անդրադառնալով Գագիկ Ծառուկյանի հայտարարություններին՝ Բաբկեն Թունյանն ասաց, որ պետությունն ամենևին նպատակ չունի գործարարների կաշին քերթել , բիզնեսներ սնանկացնել:

Հարցին՝ ինչո՞ւ ՀՀ-ում գազի սակագինը չի նվազում, ինչպես մյուս երկրներում, Թունյանը պատասխաանեց՝ սակագնի նվազումը ցանկալի է, բայց եղած սակագինը ձևավորվել է բանակցությունների արդյունքում:

Related news

Latest News
Hashtags:   

ոլորտներ

 | 

որոնք

 | 

արդեն

 | 

ունեն

 | 

շրջանառության

 | 

կտրուկ

 | 

անկում

 | 

Բաբկեն

 | 

Թունյան

 | 
Most Popular (6 hours)

Most Popular (24 hours)

Most Popular (a week)

Sources