Friday 28 February 2020
Home      All news      Contact us      English
tert.am - 13 days ago

Լիբիայում անցկացված հակաթուրքական բողոքի ակցիային ավելի քան 200,000 մարդ է մասնակցել (տեսանյութ, լուսանկարներ)

Փետրվարի 14-ին լիբիական Բենգազի քաղաքի Քիշ հրապարակում Կանգնեցնենք ահաբեկչությունը խորագրով բողոքի ակցիա է տեղի ունեցել, որին մասնակցել է ավելի քան 200,000 մարդ: Այս մասին տեղեկացնում է riafan.ru կայքը:

Բողոքի ակցիային մասնակցել են քաղաքապետարանի աշխատողներ, ուսանողական և հասարակական կազմակերպությունների ներկայացուցիչներ, տարբեր քաղաքներից ու շրջաններից ժամանած պատվիրակություններ, ինչպես նաև մտահոգ քաղաքացիներ, որոնք իրենց ձայնն են բարձրացրել ընդդեմ իրենց երկիր Թուրքիայի ներխուժման:

Ակցիայի մասնակիցները հնարավորություն են ունեցել միանալ Կանգնեցնենք ահաբեկչությունը շարժմանը և գրանցվել Լիբիայի ազգային բանակի շարքերում համալրելու համար հայրենիքի պաշտպանների շարքերը: Նրանք, ովքեր ինչ-ինչ պատճառներով չեն կարողացել միանալ բանակին, արյուն են հանձնել բանակի անդամների համար և ստացել են երախտագիտության նամակներ:

Հրապարակում լիբիացիները պայթեցրել են Թուրքիայի դրոշով ներկված երեք փչովի տանկեր, ինչպես նաև վերացրել են Թուրքիայի նախագահ Ռեջեփ Թայիփ Էրդողանի, Լիբիայի ազգային համաձայնության կառավարության ղեկավար Ֆայեզ Սարաջի և Իսլամական պետություն ահաբեկչական կազմակերպության մարտիկի նախապես պատրաստված արձանները:

Կանգնեցնենք ահաբեկչությունը շարժման կողմից հայտարարություն է հնչեցվել, որում ասված է, որ լիբիացիները դժգոհ են Թուրքիայի ներխուժումից իրենց երկիր, Թուրքիայի գործողությունները գնահատում են որպես իրենց երկրի օկուպացում, քանի որ Թուրքիան գործում է Լիբիայի ազգային համաձայնության կառավարության հետ համատեղ, իսկ վերջինիս լիբիացիները ընդունում են ոչ թե որպես իրենց երկրի կառավարություն, այլ որպես ահաբեկիչներ:

2011-ին Լիբիայի առաջնորդ Մուամմար Կադդաֆիի տապալումից և սպանությունից հետո երկիրը գործնականում դադարել է գործել որպես միասնական պետություն: Ներկա պահին երկրում երկու իշխանություն է գործում: Արևելքում իշխում է ժողովրդի կողմից ընտրված խորհրդարանը, իսկ արևմուտքում և մայրաքաղաք Տրիպոլիում՝ ՄԱԿ-ի և ԵՄ-ի աջակցությամբ կազմավորված Ազգային համաձայնության կառավարությունը: Երկրի արևելյան հատվածի իշխանությունները գործում են Տրիպոլիից անկախ և համագործակցում Հաֆթարի բանակի հետ:



Related news

Latest News
Hashtags:   

Լիբիայում

 | 

անցկացված

 | 

հակաթուրքական

 | 

բողոքի

 | 

ակցիային

 | 

ավելի

 | 

մասնակցել

 | 

տեսանյութ

 | 

լուսանկարներ

 | 
Most Popular (6 hours)

Most Popular (24 hours)

Most Popular (a week)

Sources