Thursday 27 February 2020
Home      All news      Contact us      English
tert.am - 13 days ago

Եթե մենք «Ոչ»-ի դրոշը չվերցնենք, մեր քաղաքացիները հասանելիություն չեն ունենա «դեմ» փաստարկներին և կզրկվեն հանրաքվեն վերահսկելու հնարավորությունից. Ռուբեն Մելիքյան (տեսանյութ)

Հանրաքվեի գործընթացին ինչ-որ կերպ մասնակցելու գաղափարն առաջացավ, երբ տեսանք, որ քաղաքական ուժերը մեկը մյուսից հետևից հայտարարում են, թե անտեսում են այն, ու թեև նրանց փաստարկները հասկանալի են, ամեն դեպքում՝ հարցը պետք է դիտարկել ՀՀ-ի պետական շահի տեսանկյունից: Արմնյուզ ՀԸ #ՕրաԽնդիր հաղորդմանը նման կարծիք է հայտնել Իրավական ուղի ՀԿ համահիմնադիր, Ոչ քարոզչական կողմի նախաձեռնող Ռուբեն Մելիքյանը: Որքան էլ մենք այս գործընթացը համարենք հակասահմանադրական, իրողությունից խուսափել չենք կարող, իսկ իրողությունն այն է, որ հանրաքվեն նշանակված է, բայց որևէ քաղաքական ուժ Ոչ -ի դրոշը չի վերցրել: Ստացվում է՝ մեր քաղաքացիները հավասար հասանելիություն չունեն կողմ և դեմ փաստարկներին, և առաջանում է խնդիր պետական շահի տեսանկյունից ,- ասել է իրավապաշտպանը: Ըստ Մելիքյանի՝ եթե որևէ մեկը Ոչ -ի դրոշը չի վերցնում, այդ համոզմունքն ունեցող ուժերն ու քաղաքացիները զրկվում են հանրաքվեի նկատմամբ որևէ վերահսկողություն իրականացնելու, այդ թվում՝ բողոքարկման իրավասությունից: Իրավապաշտպանի կարծիքով՝ պետք է ոչ թե քաղաքականապես մրցակցել Այո քարոզչական կողմի հետ, այլ հնարավորություն ստեղծել այն ուժերի համար, որոնք չեն վերցրել Ոչ -ի դրոշը, բայց կարող են վերահսկողություն իրականացնել գործընթացի նկատմամբ. Մենք դասական իմաստով քարոզչությամբ զբաղվելու խնդիր չենք դնում: Մենք ամենևին ցանկություն չունենք ակտիվորեն քարոզելու, մարդկանց կոչ անելու ինչ-որ կերպ վարվել, մարզերով շրջելու: Մենք չենք պայքարելու վարչապետի թիմի, նրա քարոզչական թեզերի դեմ : Ռուբեն Մելիքյանի պնդմամբ՝ իրենք կհայտնվեն և՛ իշխանությունների, և՛ հանրաքվեն բոյկոտողների քննադատության կիզակետում. Պետք է հնարավորություն տալ այն քաղաքացիներին, որոնք համաձայն չեն այս ամենի հետ և ցանկանում են վերահսկել գործընթացը: Թիրախավորումը, վիրավորանքներն ու պիտակավորումները մեզ չեն վախեցնում: Մեր քաղաքացիները պետք է հնարավորություն ունենան լսելու հակառակ փաստարկներ: Բոլոր այն ուժերը, որոնք ունեն ասելիք, կարող են համագործակցել մեզ հետ : Իրավապաշտպանի կարծիքով՝ շատ կարևոր է քարոզչության ժամանակահատվածը, նախընտրական քարոզարշավի ընթացքում ատելության խոսքի բացառումը: Այս գործընթացը հակասահմանադրական է, և լավագույն ելքը կլիներ մինչև խախտումը եղած վիճակի վերականգնումը, այսինքն այն, որ հանրաքվեի արդյունքում քաղաքացիները չհամաձայնեն Այո -ին՝ կա՛մ ցածր մասնակցությամբ, կա՛մ էլ Ոչ -ի հաղթանակով ,- ասել է Մելիքյանը՝ հավելելով. Հանրաքվեի արդյունքով պետք է հաստատվի, որ առաջարկվող փոփոխությունը չպետք է մտնի Սահմանադրության մեջ: Պակաս կարևոր չէ նաև այն, որ այս գործընթացն ավելի մեծ վնաս չհասցնի երկրին, հանրությունը հնարավորինս անցավ դուրս գա մեզ պարտադրված այս գործընթացից :


Դավիթ Սարգսյան

Related news

Latest News
Hashtags:   

դրոշը

 | 

չվերցնենք

 | 

քաղաքացիները

 | 

հասանելիություն

 | 

ունենա

 | 

փաստարկներին

 | 

կզրկվեն

 | 

հանրաքվեն

 | 

վերահսկելու

 | 

հնարավորությունից

 | 

Ռուբեն

 | 

Մելիքյան

 | 

տեսանյութ

 | 
Most Popular (6 hours)

Most Popular (24 hours)

Most Popular (a week)

Sources