Saturday 29 February 2020
Home      All news      Contact us      English
tert.am - 1 month ago

Մոնղոլիան կորոնավիրուսի պատճառով կփակի Չինաստանի հետ սահմանը

Մոնղոլիայի իշխանությունները կորոնավիրուսի բռնկման պատճառով պատրաստվում են փակել Չինաստանի հետ պետական սահմանը, ինչպես նաև դադարեցնում են ուսումնական հաստատությունների աշխատանքն ու արգելում են զանգվածային հավաքները: Այս մասին տեղեկացնում է РИА Новости գործակալությունը:

Մոնղոլիայի կառավարության որոշման համաձայն՝ հունվարի 27-ից սկսած Չինաստանի հետ պետական սահմանի անցակետերը փակ կլինեն ինչպես մեքենաների, այնպես էլ հետիոտների համար: Հրամանի ժամկետների մասին տեղեկություն չկա:

Կառավարությունը կարգադրել է փակել նաև բոլոր համալսարանները, ինստիտուտներն ու մասնագիտական կրթական կենտրոնները մինչև 2020 թվականի մարտի 2-ը: Մինչև նույն ժամկետը դպրոցների ու մանկապարտեզների փակման մասին որոշումը ընդունվել էր դեռևս հունվարի 24-ին:

Երկրում արգելք է դրվել ցանկացած հասարակական միջոցառումների և զանգվածային հավաքների անցկացման համար:

Գործակալության տվյալներով՝ երկրում դեռևս վարակման դեպք չի գրանցվել, սակայն փոխվարչապետի հայտարարությունում ասված է, որ Մոնղոլիայում վարակի տարածման ռիսկը շարունակում է բարձր մնալ:

Հիշեցնենք, որ չինացի մասնագետները հաստատել են, որ կորոնավիրուսի նոր տեսակը, որն արդեն 80 կյանք է խլել, մարդուց մարդուն է փոխանցվում:


Related news

Latest News
Hashtags:   

Մոնղոլիան

 | 

կորոնավիրուսի

 | 

պատճառով

 | 

կփակի

 | 

Չինաստանի

 | 

սահմանը

 | 
Most Popular (6 hours)

Most Popular (24 hours)

Most Popular (a week)

Sources