Sunday 23 February 2020
Home      All news      Contact us      English
tert.am - 27 days ago

Բաղդադում ԱՄՆ դեսպանատան ուղղությամբ երեք հրթիռ է արձակվել. կան տուժածներ

Հունվարի 26-ի երեկոյան Բաղդադում ԱՄՆ դեսպանատան տարածքի վրա երեք հրթիռ է ընկել: Հրթիռներից մեկն ընկել է դիվանագիտական առաքելության ռեստորանի վրա: Այս մասին տեղեկացնում է РИА Новости գործակալությունը հղում անելով Ալ-Արաբիա հեռուտաալիքին:

Դրանից մի քանի ժամ առաջ աս-Սումարիա հեռուստաալիքը տեղեկացրել էր, որ երեք հրթիռ է ընկել Բաղդադի կանաչ շրջանի մոտակայքում, որտեղ տեղակայված են կառավարական հաստատություններն ու դեսպանատները:

Ալ-Արաբիայի տվյալներով՝ հրթիռակոծման հետևանքով կան մի քանի տուժածներ: Չի հստակեցվում՝ արդյոք տուժածների թվում կան դեսպանատան աշխատակիցներ: Հեռուստաալիքը տեղեկացնում է նաև, որ դեսպանատանը գտնված անձանց դուրս են բերել ուղղաթիռներով:

Իրաքի խորհրդարանի խոսնակ Մուհամեդ ալ-Խալբուսին հայտարարել է, որ Բաղդադում ամերիկյան դեսպանատան հրթիռակոծումը վնաս է հասցրել երկրի հեղինակությանն ու ինքնավարությանը: Վարչապետի պաշտոնակատար Ադել Աբդ ալ-Մահդին հրամայել է գտնել և պատժել մեղավորներին:

Բաղդադի կանաչ շրջանը պարբերաբար հրթիռակոծումների թիրախ է դառնում: Մասնավորապես հունվարի 20-ի երեկոյան նորից հրթիռներ էին ընկել ամերիկյան դեսպանատան հարևանությամբ: Այդ հարվածի հետևանքով տուժածներ և ավերածություններ չեն եղել:

Related news

Latest News
Hashtags:   

Բաղդադում

 | 

դեսպանատան

 | 

ուղղությամբ

 | 

հրթիռ

 | 

արձակվել

 | 

տուժածներ

 | 
Most Popular (6 hours)

Most Popular (24 hours)

Most Popular (a week)

Sources