Saturday 22 February 2020
Home      All news      Contact us      English
tert.am - 29 days ago

Պոլսո հայոց պատրիարքարանը հայտարարել է, որ շարունակելու է պայքարը «Սանասարյան հան» շենքի իրավունքների համար

Թուրքիայի կառավարությանը կից Հիմնադրամների գլխավոր վարչությունը Ստամբուլում գտնվող հայկական Սանասարյան տուն (Sanasaryan Han) անշարժ գույքի համար 35 տարով վարձակալության մրցույթ էր կազմակերպել: Այս մասին տեղեկացնում է bianet.org կայքը: Պոլսո հայոց պատրիարքարանը հայտարարություն է տարածել ժամանակին հայ համայնքին պատկանող, հետագայում բռնագրավված շինության վերաբերյալ: Ներկայումս շինության սեփականության իրավունքը վիճարկվում է Թուրքիայի սահմանադրական դատարանում: Պատրիարքարանը հայտարարության մեջ նշել է, որ դատական գործընթացի ավարտից առաջ Հիմնադրամների գլխավոր վարչության կողմից հայտարարված մրցույթը հակաօրինական է: Ընդգծվել է, որ մրցույթն ու դրան հաջորդող փուլերը ոչ մի ազդեցություն չեն կարող ունենալ հայ համայնքի իրավունքները վերականգնելու պահանջի վրա: Ինչպես ավելի վաղ տեղեկացրել էր Tert.am-ը, այժմ որոշում է կայացվել, որ հայկական այս շինությունը շահագործվելու է որպես 5-աստղանի հյուրանոց: Շենքի վերակառուցման համար տեղի ունեցած մրցույթում հաղթած կազմակերպությունն իրավունք է ստացել շենքը շահագործել որպես հյուրանոց 35 տարի ժամկետով: Սանասարյան հան շինությունը կառուցվել է 1881 թվականին ստամբուլում էրզրումահայ բարերար և վաճառական Մկրտիչ Սանասարյանի կողմից: Շենքի ստեղծման նպատակն է եղել Էրզրումում բացված նույնանուն դպրոցի համար եկամուտներ ապահովելը: Ստեղծումից հետո շենքի կառավարումը փոխանցվել է Սանասարյան հիմնադրամին, իսկ հիմնադրամի ղեկավարումը Պոլսո Հայոց պատրիարքարանին: 1930-ականների կեսերին հանրապետական Թուրքիայի կողմից շենքի բռնազավթումից հետո այն օգտագործվել է որպես Ստամբուլի ոստիկանության շենք, այնուհետև տնտեսական հարցեր քննող դատարան: 2018 թվականին դատարանը որոշում էր կայացրել շենքը վերադարձնել հայ համայնքին: Դատական գործի առաջին փուլում դատարանը մերժել էր համայնքի պահանջը, ինչից հետո Պոլսո Հայոց պատրիարքարանը դիմել էր վճռաբեկ դատարան և շահել դատը: Սակայն Հիմնադրամների գլխավոր վարչության պահանջով դատական որոշումը կրկին բեկանվել էր, և շենքի սեփականության իրավունքը փոխանցվել էր վարչությանը:

Related news

Latest News
Hashtags:   

Պոլսո

 | 

հայոց

 | 

պատրիարքարանը

 | 

հայտարարել

 | 

շարունակելու

 | 

պայքարը

 | 

Սանասարյան

 | 

շենքի

 | 

իրավունքների

 | 

համար

 | 
Most Popular (6 hours)

Most Popular (24 hours)

Most Popular (a week)

Sources