Saturday 22 February 2020
Home      All news      Contact us      English
tert.am - 29 days ago

Հեղափոխությունից ավելի քան մեկուկես տարի անց որևէ ենթադրյալ կոռուպցիոների վերաբերյալ օրինական ուժի մեջ մտած մեղադրական դատավճիռ չկա. Նորայր Նորիկյան (տեսանյութ)

Երկրում քրեածին իրավիճակը սրվել է, և իրավապահ մարմինների քայլերը պետք է առավել վճռական լինեն՝ միտված հանցավորության մակարդակի նվազեցմանը: Արմնյուզ ՀԸ #ՕրաԽնդիր հաղորդմանը նման կարծիք է հայտնել փաստաբան Նորայր Նորիկյանը:

Հանրության մեջ ներքին լարվածություն կա, իրավապահ մարմիններն ու առհասարակ դատաիրավական ամբողջ համակարգն էլ արդյունավետ չի աշխատում: Այդ համակարգի նկատմամբ տոտալ անվստահություն կա, ճգնաժամը հաղթահարված չէ ,- ասել է փաստաբանը:

Ըստ Նորիկյանի՝ իշխանությունները պարտավոր են ամբողջապես բացահայտել ԱԱԾ նախկին տնօրեն Գեորգի Կուտոյանի և ՀՀ նախկին ոստիկանապետ Հայկ Հարությունյանի ինքնասպանությունների բոլոր շարժառիթներն ու դրդապատճառները, քանի որ այդ գործերում կան մի շարք հանելուկային հանգամանքներ:

Պետական հեղաշրջման մասին հայտարարությունները տարօրինակ են: Եթե մամուլում նման տեղեկություններ են սպրդում, բարձր մակարդակում հայտարարություններ են արվում, գլխավոր դատախազությունը պետք է քրեական հետապնդում հարուցի: Իրավասու մարմինները պարտավոր են համապատասխան իրավական գործընթաց սկսել: Իրավապահ համակարգը պետք է հստակորեն ասի՝ եղե՞լ է պետական հեղաշրջման փորձ, թե՞ ոչ ,- ասել է փաստաբանը: Նորիկյանի պնդմամբ՝ հեղափոխությունից ավելի քան մեկուկես տարի անց որևէ ենթադրյալ կոռուպցիոների վերաբերյալ օրինական ուժի մեջ մտած մեղադրական դատավճիռ չկա. Տարիներ շարունակ հանրությանն ասվում էր, թե հայտնի օլիգարխներն իրենց թիկնազորներով մասնակցել են Մարտի 1 -ի գործողություններին: Այսօր չունենք գեթ մեկ օլիգարխի և նրա թիկնազորի նկատմամբ որևէ քրեական հետապնդում: Մարտի 1 -ի գործով որոշ անձանց նկատմամբ ընդհանրապես ստուգողական գործընթացներ չեն իրականացվում : Նորայր Նորիկյանի բնորոշմամբ՝ տարիներ շարունակ ասվում էր, թե ՀՀ երկրորդ նախագահ Ռոբերտ Քոչարյանը 4 միլիարդ դոլար ունեցվածքի տեր է, բայց այդ մեղադրանքն այդպես էլ չի ապացուցվում: Հենց այս անպատժելիության մթնոլորտից, ընտրովի արդարադատությունից է հանցավորության աճը: Մեր երկրում դեռևս մարդիկ կան, որոնք անձեռնմխելի են, և նրանց նկատմամբ քրեական հետապնդում չի հարուցվում ,- ասել է փաստաբանը՝ հավելելով. 2019-ին կոռուպցիոն հանցագործությունների թիվը նվազել է, մինչդեռ հակառակը պիտի լիներ՝ օրինականության վերականգնման արդյունքում պետք է այս հարցում շոշափելի արդյունքներ լինեին :

Նորիկյանի կարծիքով՝ քրեական ենթամշակույթի դեմ պայքարը չի կարող արդյունավետ լինել բացառապես շոուներով և ասֆալտին փռելով :

Դավիթ Սարգսյան

Related news

Latest News
Hashtags:   

Հեղափոխությունից

 | 

ավելի

 | 

մեկուկես

 | 

ենթադրյալ

 | 

կոռուպցիոների

 | 

վերաբերյալ

 | 

օրինական

 | 

մեղադրական

 | 

դատավճիռ

 | 

Նորայր

 | 

Նորիկյան

 | 

տեսանյութ

 | 
Most Popular (6 hours)

Most Popular (24 hours)

Most Popular (a week)

Sources