Tuesday 18 February 2020
Home      All news      Contact us      English
tert.am - 25 days ago

Այդ զե՞նք եք բերել ԱԺ դահլիճ. Արարատ Միրզոյանի հարցին ի պատասխան Գևորգ Գորգիսյանը պարզաբանեց, որ հուշանվեր է

Պարոն նախարար ջան, եթե մենք խոսում ենք անցյալում մնալու մասին, ինձ մոտ հաճախ տպավորություն է ստեղծվում, որ Դուք հաճախ չեք գիտակցել, որ մեկուկես տարուց ավելի իշխանություն եք և չկան այլ իշխանություններ, ում դեմ պետք է պայքարել: Այս մասին Ազգային ժողովի դահլիճում ասաց Լուսավոր Հայաստան խմբակցության պատգամավոր Գևորգ Գորգիսյանը դիմելով Կրթության, գիտության, մշակույթի և սպորտի նախարար Արայիկ Հարությունյանին:

Դուք պետք է կառուցեք, համակարգեր ներդնեք, եթե կան խնդիրներ հին գործիքներով նոր արդյունքի չենք կարող հասնել, որովհետև մենք միասին էինք պայքարում այդ խնդիրները այդ գործիքներով լուծելու դեմ: Մեզ մեղադրում եք, թե ինչ հռետորաբանության մեջ եք մնացել: Հարգելիներս, սա կոչվում է բումերանգ, եթե սա շպրտում ես, հետո հետ է գալիս ,-ասաց նա և ծոցագրպանից հանեց բումերանգ:

Այդ զե՞նք եք բերել Ազգային ժողովի դահլիճ ,- հարցրեց ԱԺ նախագահ Արարատ Միրզոյանը, ինչին Գևորգ Գորգիսյանն արձագանքեց. Հուշանվեր է, պարո՛ն Միրզոյան : Շարունակելով իր ելույթը, Արարատ Միրզոյանը կոչ արեց հարգել ինստիտուտները և այս ամբիոնից Ազգային ժողովի հետ չխոսել քամահրանքով, բարձր տոնայնությամբ և վերևից: Չի կարելի անընդհատ հետ գնալ նույն երկխոսության, թե ով է սև, ով՝ սպիտակ, ով է հին, ով է նոր ,-հավելեց նա:

Ելույթից հետո Արարատ Միրզոյանը կատակեց. Պարոն Գորգիսյան ջան, հարց չկա, ավելի մեղմ իրար նկատմամբ դիրքավորվենք, բայց էլ զենք մի բերեք Ազգային ժողովի դահլիճ :

Հիշեցնենք, որ այսօր Կրթության, գիտության, մշակույթի և սպորտի նախարար Արայիկ Հարությունյանը Ազգային ժողովում արձագանքեց Լուսավոր Հայաստան խմբակցության պատգամավոր Անի Սամսոնյանի հայտարարությանը, ըստ որի Երևանի հանրակրթական դպրոցների կառավարման խորհուրդների կազմում երկու տարվա ընթացքում ներառվել են Քաղաքացիական պայմանագիր կուսակցության անդամներ, ԱԺ պատգամավորներ, նրանց օգնականներ, Երևանի ավագանու Իմ քայլը խմբակցության անդամներ:

Երևանի ավագանու իմ նախկին գործընկեր Անի Սամսոնյանին եմ ուզում դիմել։ Տիկի՛ն Սամսոնյան, ես ցավում եմ, որ մնացել եք հին ալիքի վրա, որովհետև եթե ամբողջական եք ուսումնասիրում, ապա տեսնում եք, որ այդ գործունեության արդյունքում ՔՊ-ական զրո տնօրեն է ընտրվել, այնինչ հարյուրավոր մրցույթներ են տեղի ունեցել ,- ասել էր նախարարը:

Related news

Latest News
Hashtags:   

զե՞նք

 | 

բերել

 | 

դահլիճ

 | 

Արարատ

 | 

Միրզոյանի

 | 

հարցին

 | 

պատասխան

 | 

Գևորգ

 | 

Գորգիսյանը

 | 

պարզաբանեց

 | 

հուշանվեր

 | 
Most Popular (6 hours)

Most Popular (24 hours)

Most Popular (a week)

Sources