Tuesday 18 February 2020
Home      All news      Contact us      English
azatutyun - 25 days ago

Բեռնատարի վարորդը մոտ կես ժամ փակ է պահել Մոսկվայի կենտրոնական փողոցներից մեկը

Ոստիկանության տարածած հաղորդագրության համաձայն, Բաումանսկայա 53 հասցեում երթևեկությունը արգելափակվել էր Մոսկվայի ժամանակով 9:05-ից մինչև 9:35-ը: «Ճանապարհային պատահար այս հատվածում արգելափակման պատճառով չի գրանցվել», - հայտնել Մոսկվայի ոստիկանությունը։ Baza-ն Թվիթերի իր էջում տեղադրել էր միջադեպի տեսագրությունը, որում երևում է ինչպես մի տղամարդ բեռնատարով արգելափակել է փողոցը և բարձրացել բեռնատարի վրա: Ականատեսները պատմել են, որ տղամարդը հայտարարում էր, թե փողոցը չի բացի, քանի դեռ իրեն չեն վճարել իր աշխատավարձը։ Տղամարդը նաև ասում էր, որ յոթ երեխա ունի և չգիտի որտեղից գումար հայթայթի երեխաներին կերակրելու համար։ Մոսկվայի համար այս աննախադեպ միջադեպի որոշ մարմամասներ է հայտնել Mash Telegram-ը. դժգոհ տղամարդը բեռնատարը կանգնեցրել է իր գործատուի՝ Transport Technologies ընկերության պատուհանների տակ արգելափագելով նաև տրամվայների երթևեկությունը: Ընկերության ղեկավարությունը, վարորդի խոսքով, իրեն ստիպում են վարել անսարք մեքենա, ինչի պատճառով նա անընդհատ տուգանքներ է ստանում և զրկվում աշխատավարձից: Դեպքի վայր էին ժամանել ոստիկանները և տասը րոպե տևած բանակցություններից հետո տղամարդը համաձայնել է երթևեկելի մասից հեռացնել բեռնատերը, ինչից հետո ոստիկանները նրան տարել են տեղամաս։ Ռուսաստանյան օրենքների համաձայն, տղամարդուն սպառնում է տասը հազար ռուբլու տուգանք (մոտ 180 ԱՄՆ դոլար)։

Related news

Latest News
Hashtags:   

Բեռնատարի

 | 

վարորդը

 | 

պահել

 | 

Մոսկվայի

 | 

կենտրոնական

 | 

փողոցներից

 | 
Most Popular (6 hours)

Most Popular (24 hours)

Most Popular (a week)

Sources